Dönya 11 sintäber terror höcümnäreneñ 5 yıllığın iskä alırğa äzerlängändä sişämbe kiçendä AQŞ prezidentı George Bush Amerika xalqına möräcäğät itep terror qurqınıçınıñ äle dä däwam itüe häm xökümätneñ annan qotılu planı buluı turında belderde. Oppozitsiädäge Demokratik partiägä uqış kiterer dip kötelgän közge Kongress saylawlarına berniçä genä atna qalıp barğanda, Bush 2004nçe yılda üzenä yañadan ber märtäbä saylanırğa yardäm itkän çığışın qabatladı diärgä mömkin. Bush tağın ber märtäbä amerikannar suğış urtasında üzgäreşlär öçen tawış birergä tieş tügel digänne citkerergä tırıştı.
Buş üz çığışında terrorğa qarşı suğışta zur tärräqiät buluın, ämma doşmannıñ da üzgärgänlegen häm härwaqıttağıça qurqınıç bulıp qaluın äytte.
"Amerikağa höcümnän soñ biş yıl ütsä dä terror qurqınıçı qala birä. Bez suğış çorı kiçerüçe xalıq. Amerika da, bezneñ berektäşlärebez dä bar dönya buylap nıqlı täwäkällek belän suğışa" dide Bush.
Bush monı Kongress saylaw aldı köräşeneñ räsmi başlanuı bularaq qaralğan ber cıyında, xärbi ofitserlar törkeme belän oçraşuda äytte.
Fiker beleşülär ilneñ iqtisadı köçsezlänü, Ğiraqta yuğaltularnıñ arta baruı säbäple amerikannarnıñ Bushnı yaqlawı kimü baruın kürsätä. 4 sintäberdä CNN ütkärgän fiker beleşügä qarağanda amerikannarnıñ 61 % xäzer suğışqa qarşı, 57 % Bushqa qarşı häm 58% aña citäkçe bularaq ışanıç bağalamıy.
Säyäsi analitiklar fikerençä, Bushnıñ respublikan partiäse noyäber saylawlarında Congressnıñ berär yäki 2 pulatında da küpçelekne yuğaltırğa mömkin.
Küräseñ suğışnı yaqlawçılarnıñ kimüen istä totıp Bush Ğiraq äl-Qaidägä qarşı suğışta töp suğış qırı dide."Äl-Qaidä öçen Ğiraq iğtibarnı Amerikağa qarşı suğıştan çitlätü çarası tügel. Bu ciñü öçen xälitkeç bulğan iñ töp suğış qırı" dide Bush.
Buş çığışında Aq Yortnıñ terrorğa qarşı köräştä inde amerikan küptän mäğlüm strategiäse iskä töşerelde. Ul doşman ilgä kilmäsen öçen aña çittä höcüm itü, yaña terrorçılar barlıqqa kilmäsen öçen ireklek häm demokratiäne kiñräk taratu, küpläp üterü qorallarınıñ taypıluçı däwlätlärgä elägüenä yul quymaw. Soñğısı uñayınnan Bush İranğa ayırım tuqtaldı häm dönya İranğa atom qoralı yasaw mömkinlege birmiäçäk dide.
AQŞ prezidentı äl-Qaidädän qulğa töşerelgän dokumentlar alarnıñ plannarın faş itte dip küp kenä misallar kiterde, alar axır çiktä irekle dönyanı beterü öçen böten Yaqın Könçığışnı üz eçenä aluçı xälifät tözergä teli dide.
Bush şulay uq äl-Qaidä Amerika xalqı belän xökümät arasına çöy qağu öçen mäğlümät suğışı da başlarğa cıyınuın, Amerika xalqına xökümät kübräk finans yuğaltuları häm qorbannar kiterä dip kürsätergä cıyınuın belderde dide.
Ämma wäkillär palatasındağı oppozitsion demokratlar citäkçese Harry Reid çınlıqta däwlät iminlegen Bush adminisratsiäse köçsezländerde dide.
Naif Aqmal, Praga.
"Amerikağa höcümnän soñ biş yıl ütsä dä terror qurqınıçı qala birä. Bez suğış çorı kiçerüçe xalıq. Amerika da, bezneñ berektäşlärebez dä bar dönya buylap nıqlı täwäkällek belän suğışa" dide Bush.
Bush monı Kongress saylaw aldı köräşeneñ räsmi başlanuı bularaq qaralğan ber cıyında, xärbi ofitserlar törkeme belän oçraşuda äytte.
Fiker beleşülär ilneñ iqtisadı köçsezlänü, Ğiraqta yuğaltularnıñ arta baruı säbäple amerikannarnıñ Bushnı yaqlawı kimü baruın kürsätä. 4 sintäberdä CNN ütkärgän fiker beleşügä qarağanda amerikannarnıñ 61 % xäzer suğışqa qarşı, 57 % Bushqa qarşı häm 58% aña citäkçe bularaq ışanıç bağalamıy.
Säyäsi analitiklar fikerençä, Bushnıñ respublikan partiäse noyäber saylawlarında Congressnıñ berär yäki 2 pulatında da küpçelekne yuğaltırğa mömkin.
Küräseñ suğışnı yaqlawçılarnıñ kimüen istä totıp Bush Ğiraq äl-Qaidägä qarşı suğışta töp suğış qırı dide."Äl-Qaidä öçen Ğiraq iğtibarnı Amerikağa qarşı suğıştan çitlätü çarası tügel. Bu ciñü öçen xälitkeç bulğan iñ töp suğış qırı" dide Bush.
Buş çığışında Aq Yortnıñ terrorğa qarşı köräştä inde amerikan küptän mäğlüm strategiäse iskä töşerelde. Ul doşman ilgä kilmäsen öçen aña çittä höcüm itü, yaña terrorçılar barlıqqa kilmäsen öçen ireklek häm demokratiäne kiñräk taratu, küpläp üterü qorallarınıñ taypıluçı däwlätlärgä elägüenä yul quymaw. Soñğısı uñayınnan Bush İranğa ayırım tuqtaldı häm dönya İranğa atom qoralı yasaw mömkinlege birmiäçäk dide.
AQŞ prezidentı äl-Qaidädän qulğa töşerelgän dokumentlar alarnıñ plannarın faş itte dip küp kenä misallar kiterde, alar axır çiktä irekle dönyanı beterü öçen böten Yaqın Könçığışnı üz eçenä aluçı xälifät tözergä teli dide.
Bush şulay uq äl-Qaidä Amerika xalqı belän xökümät arasına çöy qağu öçen mäğlümät suğışı da başlarğa cıyınuın, Amerika xalqına xökümät kübräk finans yuğaltuları häm qorbannar kiterä dip kürsätergä cıyınuın belderde dide.
Ämma wäkillär palatasındağı oppozitsion demokratlar citäkçese Harry Reid çınlıqta däwlät iminlegen Bush adminisratsiäse köçsezländerde dide.
Naif Aqmal, Praga.