Pekinda uzğan kitap yärminkäsendä barlığı 65 ildän wäkillär qatnaşqan. Rusiäneñ dä törle şähärlärennän bulğannar. Läkin milli respublikalardan barı Tatarstan ğına ide di anda baruçılar. “Tatmedia” agentlığı başlığı urınbasarı Färit Şahiäxmätov citäkçelegendä barğan delegatsiägä Tatarstan kitap näşriätı direktorı Damir Şakirov, “Mäğärif” milli näşriät direktorı Mödärris Wäliev, “Tatarstan” jurnalı baş möxärrire Rifat Fättäxov häm başqalar kergän. Barlığı isä Tatarstannan yärminkägä 200гә yaqın kitap alıp barğannar. Şular arasında 15 teldä çıqqan “Şüräle” äkiäte da bulğan. Anı bik qızıqsınıp qarağannar. Qıtaynıñ üzendä dä “Millätlär” digän näşriät eşli ikän. Bu xaqta älege yärminkädä qatnaşqan Damir Şakirov
“Millätlär” näşriät xezmätkärläre belän oçraşıp söyläştek. Bu näşriät 6 teldä kitap çığara – uyğur, tibet, mongol, qıtay, qazax, koreya tellärendä. Kiläçäktä üzebezdä dönya kürgän yaxşı äsärlärne älege tellärdä tärcemä itärgä dip söyläştek.
Yärminkägä kilgän barlıq törki xalıqlar, Qıtayda yäşäwçe üzebezneñ millättäşlärebez dä tatar kitapları belän şaqtıy qızıqsınğannar. Rusiädäge başqa millät kitaplarınıñ ni öçen täqdim itelmäwe turında sorağannar. Damir Şakirov
Awır xislär dä buldı. Ni öçen bu kürgäzmädä başqortlar, çuaşlar, marilar yuq? Bu mömkinlek yuqlıqtanmı, ällä oyıştırılıp citmägännänme? Yıl däwamında 40ка yaqın Xalıqara kürgäzmä eşli. Häm bez mömkin bulğan sayın xalıqara arenağa çığarğa tieş.
Kürgäzmädä Rusiädän küp kenä rus yazuçıları qatnaşqan. Bu xaqta “Mäğärif” näşriätı citäkçese Mödärris Wäliev
Mäskäw näşriätları bik küp tanılğan yazuçılarnı alıp kilgännär ide. Alar tös birep tordılar. Bezdän dä tatar yazuçı barsa, tügäräk östäldä yaxşı ğına bulır ide.
“Tügäräk östäl”dä rus yazuçıları xäzer global’läşü çorında azçılıq millätlär Rusiäneñ berdäm mädäniäte qısalarına keräçäk dip farazlağannar. Bu xaqta “Tatmedia” citäkçese urınbasarı Färit Şahiäxmätov
Törle millätlär mäydançığı kiläçäktä assimilyasilänep, köçle Rusiägä tuplanırğa tieş didelär. Rawil Boxaraev alarğa qarşı kilergä tırıştı. Ağaçnıñ botaqları küp bula dip añlattı. Läkin alar monıñ belän kileşmädelär. Qunaq aşı qara qarşı digändäy, Färit Şahiäxmätov belderüençä, tizdän Qıtaydağı wäkillär tanışu öçen Tatarstanğa kiläçäklär.
Landış Xarrasova