Çärşämbe könne Rusiäneñ 4 xärbi ofitserı küzläw eşlärendä ğäyeplänep qulğa alınğannan soñ Rusiä Gruziädäge diplomatlarınıñ zur öleşeneñ annan çığarılırğa äzerlänüen belderde. Tiflistäge ilçelekneñ 80-nän artıq xezmätkäre inde oçqıç belän Mäskäwgä kitte.
İlçelek süzçese ilçelek binasında barı tışqı eşlär ministrlığınıñ 2 xezmätkäre häm saqçılar ğına qalaçaq dide.
Şul uq waqıtta ul iminlek xäle normalläşkänçegä qädär Gruziädäge 2 xärbi bazasın annan çığaru eşlären waqıtlıça tuqtatıp toruın da iğlan itte.
Tönyaq Kafkaz xärbi bülgese başlığı general Aleksandr Baranov xärbilärne çığaru waqıtlıça tuqtatıla, çönki alar Gruziä aşa ütkändä iminlekkä tulı ışanıç bula almıy dide.
NATO häm Quşma Ştatlar, Rusiä belän Gruziäne kierenkelekne beterergä çaqırdı.
Rusiä BMO İminlek Şurasında Gruziäne räsmi xökem itüne sorap möräcäğät itkän ide.
Ämma comğa könne Waşingtonda AQŞ däwlät departamentı süzçese Sean McCormack AQŞ monda BMOnıñ qatnaşlığı zarur tügel häm ike il mäsäläne üzläre genä çişärgä tieş dip isäpli dide.
Qayberäwlärneñ Gruziädäge xällärgä Waşingtonnıñ qatnaşı bar dip isäpläwe turındağı sorawğa McCormack "Gruziä suveren däwlät. Gruziä xökümäte Gruziä häm görcilär öçen närsä yaxşı buluın üze xäl itä. Görcilär häm Gruziä xökümäte bezneñ duslarıbız. Ruslar häm Rusiä xökümäte bezneñ duslarıbız. Min monda Quşma Ştatlarnıñ yäşerten eş itüe turındağı farazlarnı xäbärlärdän işettem. Açıqça äytäm, bu döres tügel. Alar ike suveren däwlät. Bez alarnıñ kürşe bularaq üzara kileşergä çaqırabız" dide.
Bügen Gruziä politsiäse Tiflistäge Rusiä xärbi idaräse binası tiräsendä çolğanışnı däwam itä. Anda küzläw eşlärendä ğäyeplänüçe 5-nçe Rusiä ofitserı qaçqan dip isäplänelä.
Naif Aqmal, Praga.
İlçelek süzçese ilçelek binasında barı tışqı eşlär ministrlığınıñ 2 xezmätkäre häm saqçılar ğına qalaçaq dide.
Şul uq waqıtta ul iminlek xäle normalläşkänçegä qädär Gruziädäge 2 xärbi bazasın annan çığaru eşlären waqıtlıça tuqtatıp toruın da iğlan itte.
Tönyaq Kafkaz xärbi bülgese başlığı general Aleksandr Baranov xärbilärne çığaru waqıtlıça tuqtatıla, çönki alar Gruziä aşa ütkändä iminlekkä tulı ışanıç bula almıy dide.
NATO häm Quşma Ştatlar, Rusiä belän Gruziäne kierenkelekne beterergä çaqırdı.
Rusiä BMO İminlek Şurasında Gruziäne räsmi xökem itüne sorap möräcäğät itkän ide.
Ämma comğa könne Waşingtonda AQŞ däwlät departamentı süzçese Sean McCormack AQŞ monda BMOnıñ qatnaşlığı zarur tügel häm ike il mäsäläne üzläre genä çişärgä tieş dip isäpli dide.
Qayberäwlärneñ Gruziädäge xällärgä Waşingtonnıñ qatnaşı bar dip isäpläwe turındağı sorawğa McCormack "Gruziä suveren däwlät. Gruziä xökümäte Gruziä häm görcilär öçen närsä yaxşı buluın üze xäl itä. Görcilär häm Gruziä xökümäte bezneñ duslarıbız. Ruslar häm Rusiä xökümäte bezneñ duslarıbız. Min monda Quşma Ştatlarnıñ yäşerten eş itüe turındağı farazlarnı xäbärlärdän işettem. Açıqça äytäm, bu döres tügel. Alar ike suveren däwlät. Bez alarnıñ kürşe bularaq üzara kileşergä çaqırabız" dide.
Bügen Gruziä politsiäse Tiflistäge Rusiä xärbi idaräse binası tiräsendä çolğanışnı däwam itä. Anda küzläw eşlärendä ğäyeplänüçe 5-nçe Rusiä ofitserı qaçqan dip isäplänelä.
Naif Aqmal, Praga.