Moscow Times üzeneñ çärşämbe sanında sişämbe könne Mäskäwneñ Domodedovo hawa alanında Tifliskä cibäreler aldınnan kinät ülep kitkän Gruziä watandaşı Tengiz Togonidze turında yaza. Rusiädä barğan görcilärne deportatsiäläw säyäsäte qorbannarınıñ berse Togonidze astma öyänägennän ülgängä oxşıy.
Togonidzenıñ üleme Mäskäw xakimiätläre bazarlarda awlaw oyışıtırıp küpçelege Üzäk Aziädän bulğan 50-dän artıq keşene totqarlağan köngä turı kilgän.
Gazeta yazuınça, 58 yäşlek Togonidzenı deportatsiä aldınnan Piterburda 5 kön buyı zindanğan yabıp totqannar. Doktor yardäme sorawına, saf hawağa çığarunı sorawına qaramastan anı yapqan cirdän çığarmağannar. Soñraq anı deportatsiäläw öçen Mäskäwgä kitergännär.
Domodedovo hawa alanına kiterelgäç avtobustan çığu belän ul ayaqtan yığılğan häm küp tä ütmästän ülgän.
Togonidze ul könne qalğan 36 görci belän bergä Gruziägä cibärelergä tieş bulğan.
Moscow Timesnıñ şul uq mäqäläsendä Gruziä ilçelegeneñ sişämbe könne deportatsiälänüçe görcilärgä tieşle mönäsäbät taläp itüçe möräcäğäte dä telgä alına. Anda ilçelek süzçese möräcäğätneñ İnterfax agentlığınnan alınğan Gruziäneñ totqarlanğan watandaşları küp oçraqta keşeleksez şartlarda totıla, iñ töp şartlar da buldırılmıy, waqıtında tieşle tabib yardäme kürsätelmi digän süzläre kiterelä.
İrlandiädä çığuçı İrish Times gazetı Yewropa Berlegeneñ Rusiädä östän färman nigezendä görcilärne ezärlekläw baruı turında dälillär çıqqannan soñ mondıy ezärlekläwne tuqtatırğa çaqıruı turında yaza.
Gruziä belän Rusiä arasında kierenkelek arta barğanda Yewropa Berlege illäre tışqı eşlär ministrlarınıñ Luksemburgta cıyılıp Rusiädä yäşäwçe görcilärgä qarşı çaralar kürügä tirän borçılu belderüe xäbär itelä.
Yewropa Berlege üz möräcäğätendä Rusiädäge görcilärgä qarşı çaralarnı tuqtatırğa çaqıra, Gruziägä qarşı çaralarnıñ iqtisadıy, säyäsi häm humanitar näticäläre turında kisätä dip yaza İrish Times.
Независимая Газета isä Rusiädä görcilär belän bäyle ber cinayätçel bank törkeme faş itelüe turında yaza. Rusiä eçke eşlär ministrlığınıñ iqtisadıy iminlek bülege Rusiä bankları aşa Gruziäneñ 5 yıllıq büdjetına tiñ, 7 milliard dollardan artıq isäptäge aqçanı qäğäz aqçağa küçergän törkem totıluı turında beldergän.
Şul uq cäncal Коммерсантъ gazetında da urın ala. Kommersant yazuınça ministrlıqnıñ iqtisadıy iminlek bülege bu törkem Mäskäwdä 8-dän artıq banknı kontroldä totqan häm görcilär diasporasınıñ cinayätçel wäkilläre belän tığız bäyläneştä bulğan dip isäpli. İqtisadıy iminlek bülege wäkile bu yul aşa aqça Gruziägä häm başqa illärgä küçerelgän häm ul aqçalar cinayätçelär kontrolendäge kazinolardan, talawlardan häm büdjettan urlawdan kilgän dip beldergän.
Älege xezmät wäkilläre Коммерсантъ gazetına şulay uq Finans ministrlığında häm Rusiä bankında bu cinayätçel törkem mänfäğätlären qayğırtuçı qayber türälär bulğan, cinayätçelärneñ tärtip saqlaw oyışmalarında da elemtäläre bulğan dip beldergän.
Naif Aqmal, Praga.
Togonidzenıñ üleme Mäskäw xakimiätläre bazarlarda awlaw oyışıtırıp küpçelege Üzäk Aziädän bulğan 50-dän artıq keşene totqarlağan köngä turı kilgän.
Gazeta yazuınça, 58 yäşlek Togonidzenı deportatsiä aldınnan Piterburda 5 kön buyı zindanğan yabıp totqannar. Doktor yardäme sorawına, saf hawağa çığarunı sorawına qaramastan anı yapqan cirdän çığarmağannar. Soñraq anı deportatsiäläw öçen Mäskäwgä kitergännär.
Domodedovo hawa alanına kiterelgäç avtobustan çığu belän ul ayaqtan yığılğan häm küp tä ütmästän ülgän.
Togonidze ul könne qalğan 36 görci belän bergä Gruziägä cibärelergä tieş bulğan.
Moscow Timesnıñ şul uq mäqäläsendä Gruziä ilçelegeneñ sişämbe könne deportatsiälänüçe görcilärgä tieşle mönäsäbät taläp itüçe möräcäğäte dä telgä alına. Anda ilçelek süzçese möräcäğätneñ İnterfax agentlığınnan alınğan Gruziäneñ totqarlanğan watandaşları küp oçraqta keşeleksez şartlarda totıla, iñ töp şartlar da buldırılmıy, waqıtında tieşle tabib yardäme kürsätelmi digän süzläre kiterelä.
İrlandiädä çığuçı İrish Times gazetı Yewropa Berlegeneñ Rusiädä östän färman nigezendä görcilärne ezärlekläw baruı turında dälillär çıqqannan soñ mondıy ezärlekläwne tuqtatırğa çaqıruı turında yaza.
Gruziä belän Rusiä arasında kierenkelek arta barğanda Yewropa Berlege illäre tışqı eşlär ministrlarınıñ Luksemburgta cıyılıp Rusiädä yäşäwçe görcilärgä qarşı çaralar kürügä tirän borçılu belderüe xäbär itelä.
Yewropa Berlege üz möräcäğätendä Rusiädäge görcilärgä qarşı çaralarnı tuqtatırğa çaqıra, Gruziägä qarşı çaralarnıñ iqtisadıy, säyäsi häm humanitar näticäläre turında kisätä dip yaza İrish Times.
Независимая Газета isä Rusiädä görcilär belän bäyle ber cinayätçel bank törkeme faş itelüe turında yaza. Rusiä eçke eşlär ministrlığınıñ iqtisadıy iminlek bülege Rusiä bankları aşa Gruziäneñ 5 yıllıq büdjetına tiñ, 7 milliard dollardan artıq isäptäge aqçanı qäğäz aqçağa küçergän törkem totıluı turında beldergän.
Şul uq cäncal Коммерсантъ gazetında da urın ala. Kommersant yazuınça ministrlıqnıñ iqtisadıy iminlek bülege bu törkem Mäskäwdä 8-dän artıq banknı kontroldä totqan häm görcilär diasporasınıñ cinayätçel wäkilläre belän tığız bäyläneştä bulğan dip isäpli. İqtisadıy iminlek bülege wäkile bu yul aşa aqça Gruziägä häm başqa illärgä küçerelgän häm ul aqçalar cinayätçelär kontrolendäge kazinolardan, talawlardan häm büdjettan urlawdan kilgän dip beldergän.
Älege xezmät wäkilläre Коммерсантъ gazetına şulay uq Finans ministrlığında häm Rusiä bankında bu cinayätçel törkem mänfäğätlären qayğırtuçı qayber türälär bulğan, cinayätçelärneñ tärtip saqlaw oyışmalarında da elemtäläre bulğan dip beldergän.
Naif Aqmal, Praga.