-Bik kiräk : çönki yäşlärdän iman digän mäğnädän, Alladan qurqu digän närsä xäzer kitep bara. Mäçetkä yörgän keşe tärtiple bula. Törle mädräsälär bar, anda ğäräp, farsı tellären öyrätälär . Törki tellär belän bezneñ tuğanlıq bar. Alar belän aralaşır öçen dä bezgä ğäräp tele öyränergä kiräk. Mädräsälär bulsın .
- Tatarlar möselmannar – qızlarmı, malaylarmı, barısı da yörsennär mädräsägä .
- Miña 15 yäş, min urıs malayı. Minem isemem Artem. Körän - ul izge kitap. Bezgä Bibilä kiräk bulğan kebek, tatarlarğa da Köränne belü kiräk.
- Mädräsä bik kiräk närsä. Bigräk tä yäşlärgä. Bezneñ tuğannarıbıznıñ 6 yäşlek kenä Al'bina isemle qızları bar. Ul Köränne 10 minut buyı ğäräpçä uqıy belä. Yattan da belä. Namaznı da belä. Ul äbise yanında üskän bala. Min menä pensiädäge keşe . Miña xätta oyat, bu bala aldında , uqıy belmägänemä. Min üzem Törekmänstannan qaytqan keşe, bezdä anda xalıq bik dinne, bik küplär mäçetkä yöri. Min dä öyräner idem. Yanımda ğına äbilär yuq.
- Mädräsä kiräk. Balalarğa üz mädäniäten belsen öçen, tatarlarğa Köränne uqırğa öyräter öçen.
- Mädräsä bik kiräk , yäşlärne tärbiäläw öçen. Yäş buın, şul mädräsä waqıtınnan, tärbiä alıp qalsa, alar bozılmıy, berwaqıtta da.
- Yäşlär äşäkelände bit xäzer . Alarnı äzräk öyrätergä kiräk dinne beler öçen.
- Xäzer zamana şundıy kilde iç, xalıqqa, tormış itärgä kiräk. Mädräsä xäzer Qazanda törle rayonda bar .
Uqıtırbız inde ullarıbıznı, 10,12 yäşlek ike malayıbız bar. Uqıtırğa ide balalarıbız tärtiple, miherbanlı bulıp üssennär öçen. Menä bezneñ Leningradskiy uramında fevral' ayında mädräsägä yörüçelär kilä ikän. Däftärlär aldıq inde.
Balalarnı bolay quşıp qına dingä öyrätep bulmıy. Şul mädräsägä yörtep kenä uqıtıp , öyrätep bula.
Kör`ändä ğömer qağidäläre yazılğan, häm mädräsädä keşene şul qağidälär buyınça yäşärgä öyrätälär.
Mädräsädä yäşlärne namazlar uqırğa , Allahı Täğälägä ışanırğa öyrätälär . Bik kiräk, niçek mädräsä kiräk bulmasın inde?
Ğädättä, açıq mikrofonğa cawap birgän tawışlar arasında qapma- qarşı cawaplar bula torğan ide. Ä bu sorawğa bar xalıq bersüzdän pozitiv cawap birde. Ni ğäcäp?!
Mälikä Basıyr