Flürä Söläymanova Tatarstan radiosında häm Tatarstannıñ tatar filarmoniäsendä 25 yıl cırlağan cırçı. Anıñ cırlağan här cırın radio aşa tapşırılamı ul , televidenie aşa işeteläme, xalıq anı härçaq bik yaqın qabul itä.
Tatar xalqınıñ sixri moñnarın, äyterseñ ul üzenä genä cıyğan moñlı tawışı belän cırlağan cırçı, äle dä bik populyar. Alar arasında “ “Qır qazları kitkändä”, “Mäk çäçäge” “Orenbur şäle”,
Änwär Bakirovnıñ “Äytkän ideñ” , Röstäm Yaxinnıñ “Salağış bolınnarı” cırları Flürä Söläymanovanıñ başqaruında berençe bulıp yañğıradı. Tatarstan radiosı fondına kerep qalğan anıñ 100 lägän cırı bar.
Flürä Söläymanovanı , küplär inde anı xalıq artistı dip yörtsä dä, xäzer räsmi räweştä Tatarstannıñ xalıq artistı isemenä layıq bulğaç, artistkanıñ üzeneñ nindi xislär kiçerüen, Azatlıq radiosı tıñlawçıları belän urtaqlaşuın ütendek. Mikrofon aldında Flürä Söläymanova. “ Bik soñlap bulsa da , Tatarstannıñ xalıq artistkası isemeт räsmi räweştä qabul itü miña bik küñelle . Bu isemne birüçelärgä bik räxmätlemen.
Flürä Söläymanova ul, Qazaxstanda 1960 yılda tatar törkeme tözelgäç, professional'' säxnädä eşli başlağan cırçı. Qazax şağire icat itkän häm Ğosman Äxmätcanov tärcemä itkän şiğerenä kompozitor Sara Sadıyqova muzıka yazğan “Äniemä” cırı belän cırçı xalıqqa tanıldı. “ “M.Gorki klubında Sara Sadıyqova oyıştırğan ansambl''dä cırlıy başlağan idem. Säxnägä mine Sara Sadıyqova citäkläp çığardı dip äytergä bula . 1960 yılda Qazaxstanda tatar törkeme oyıştırılğaç ta, ul mine anda cibärgän ide. Şunnan birle häm äle haman da cırlım inde, ”,-dide ul.
Şulay uq ul äle Ul''yanovskiynıñ filarmoniäsendä Usman Älmiev belän dä eşlägän cırçı.
Cırçığa bıyıl 68 yäş. Anıñ 65 yäşlek yubiley kiçäse “Milli sanduğaç” digän afişa astında ütkän ide. Ul waqıtta, aña tapşırılğan Tatarstan Prezidentınıñ räxmät xatına da ul bik räxmätle. Soñğı yıllarda da kübräk yäşlär qatnaşqan “Altın bars” “Tatar cırı- 2005” bäygesendä dä, ul äle qatnaştı. Dimäk , bügenge yäşlär arasında da ul äle bik populyar .
Flürä Söläymanovanıñ layıqlı yalğa çıqqanına 15 yıl. Ämma şulay bulsa da, ul äle haman cırlawdan tuqtağanı yuq. Bügenge köndä dä ul “Qazan kiçläre ” ansambleneñ solistkası” dip belderde anıñ turında
1991елдан birle “Qazan kiçläre” ansamblen citäklägän Sara Sadıyqova fondınıñ citäkçese Äzhär Xösäyenov. Bu ansambl'' belän alarnı törle yal yortlarında, şifaxanälärdä , mäktäplärdä äle haman da kötep qarşı alalar.
Mälikä Basıyr