AQŞ prezidentı George Bush Ürdün başqalası Ammanda Ğiraq premyer ministrı Nuri äl-Mäliki belän oşraştı. İke citäkçe dä Ğiraqnıñ berbötenlegen saqlarğa kiräk, bülgäläw andağı köç qullanunı arttıraçaq qına digän fiker äytte.
Bağdadta iminlek xäle naçaraya barğanda Bush Ammanda tağın ber märtäbä äl-Mälikine yardämnän taşlamayaçağın belderde.
"Ul köçle citäkçe, Ğiraqnıñ irekle häm demokratik buluın teli. Quşma Ştatlar aña bu maqsatqa ireşüdä yardäm itäçäk" dide Bush.
AQŞ prezidentı Ğiraqta uñışqa ireşü Ğiraq iminlek köçlären nığıtuğa bäyle dide.
"Bez Ğiraq iminlek köçlären öyrätüne tizlätü kiräklege turında kileştek, maqsatıbız xökümät terrorçılarğa qarşı suğışa häm ilne totrıqlılandıra alsın öçen premyer ministr qaramağındağı köçlärne nıqlı itü" dide.
Bush şulay uq äl-Mäliki belän ilneñ berbötenlegen saqlap qalu kiräklege turında kileşüen dä äytte.
"Premyer Ministr Ğiraq xalqınıñ qayberäwlär äytkän ilne öleşlärgä bülü täqdimen xuplamawın açıq itep belderde häm bülgäläw barı tik mäzhäbara bäreleşlärneñ artuına ğına kiteräçäk dip äytte" dide.
Bu Waşingtonda Ğiraq öçen yaña çişeleşlär tabarğa basım arta baruğa qaramastan Bushnıñ Ğiraq strategiäse älegä üzgärmäwen añlata.
Kongressta prezidentnıñ Ğiraq säyäsäten tikşerü öçen tözelgän törkem üzeneñ Bushqa häm konsressqa täqdimnären 6 dikäberdä iğlan itärgä cıyına.
Matbuğattağı xäbärlärgä qarağanda, 2 partiädän dä wäkillär kergän bu törkem Ğiraqnı totrıqlılandıru turında töbäk konferensiäse ütkärergä täqdim itäçäk. Ul konferensiädä İran belän Süriäne qantaşıru täqdime dä bulırğa mömkin, AQŞ xärbilärenä xärbi bäreleşlärdän yardäm çaralarına küçü kiräklege äyteläçäk.
Ammanda äl-Mäliki Ğiraqnıñ kürşe illär belän xezmättäşlekkä äzer buluın belderde.
"Bez milli berdämlek xökümätenä ışanuçı häm anıñ belän xezmättäşlek itärgä teläwçe härkem belän, bigräk tä kürşelärebez belän xezmättäşlekkä äzer. Ğiraq ğiraqlılar öçen. Bezneñ eçke eşlärebezgä beräw dä tıqşına almasın öçen anıñ çikläre imin bulırğa tieş" dide äl-Mäliki.
AQŞ belän İran yäki Süriä arasında turıdan turı söyläşülär başlaw öçen başta här tarafnıñ anıñ şartları turında kileşüe zarur bulaçaq.
Küptän tügel Bush Tähran üzeneñ uran bayıtuın tuqtatmağan oçraqta anıñ belän bernindi söyläşülär bulmıyaçağın inde äytep quydı.
AQŞ räsmiläre Tährannı Ğiraqtağı şığıy suğışçılarğa turıdan turı aqça häm qoral belän yardäm itüdä ğäyepli.
Dimäşqne isä Wağington Ğiraqqa Süriä aşa ütüçe yaña suğışçılarnı häm ğisyançılarğa aqça ağımın tuqtatu öçen citärlek tırışmawda ğäyepli.
Naif Aqmal, Praga.
Bağdadta iminlek xäle naçaraya barğanda Bush Ammanda tağın ber märtäbä äl-Mälikine yardämnän taşlamayaçağın belderde.
"Ul köçle citäkçe, Ğiraqnıñ irekle häm demokratik buluın teli. Quşma Ştatlar aña bu maqsatqa ireşüdä yardäm itäçäk" dide Bush.
AQŞ prezidentı Ğiraqta uñışqa ireşü Ğiraq iminlek köçlären nığıtuğa bäyle dide.
"Bez Ğiraq iminlek köçlären öyrätüne tizlätü kiräklege turında kileştek, maqsatıbız xökümät terrorçılarğa qarşı suğışa häm ilne totrıqlılandıra alsın öçen premyer ministr qaramağındağı köçlärne nıqlı itü" dide.
Bush şulay uq äl-Mäliki belän ilneñ berbötenlegen saqlap qalu kiräklege turında kileşüen dä äytte.
"Premyer Ministr Ğiraq xalqınıñ qayberäwlär äytkän ilne öleşlärgä bülü täqdimen xuplamawın açıq itep belderde häm bülgäläw barı tik mäzhäbara bäreleşlärneñ artuına ğına kiteräçäk dip äytte" dide.
Bu Waşingtonda Ğiraq öçen yaña çişeleşlär tabarğa basım arta baruğa qaramastan Bushnıñ Ğiraq strategiäse älegä üzgärmäwen añlata.
Kongressta prezidentnıñ Ğiraq säyäsäten tikşerü öçen tözelgän törkem üzeneñ Bushqa häm konsressqa täqdimnären 6 dikäberdä iğlan itärgä cıyına.
Matbuğattağı xäbärlärgä qarağanda, 2 partiädän dä wäkillär kergän bu törkem Ğiraqnı totrıqlılandıru turında töbäk konferensiäse ütkärergä täqdim itäçäk. Ul konferensiädä İran belän Süriäne qantaşıru täqdime dä bulırğa mömkin, AQŞ xärbilärenä xärbi bäreleşlärdän yardäm çaralarına küçü kiräklege äyteläçäk.
Ammanda äl-Mäliki Ğiraqnıñ kürşe illär belän xezmättäşlekkä äzer buluın belderde.
"Bez milli berdämlek xökümätenä ışanuçı häm anıñ belän xezmättäşlek itärgä teläwçe härkem belän, bigräk tä kürşelärebez belän xezmättäşlekkä äzer. Ğiraq ğiraqlılar öçen. Bezneñ eçke eşlärebezgä beräw dä tıqşına almasın öçen anıñ çikläre imin bulırğa tieş" dide äl-Mäliki.
AQŞ belän İran yäki Süriä arasında turıdan turı söyläşülär başlaw öçen başta här tarafnıñ anıñ şartları turında kileşüe zarur bulaçaq.
Küptän tügel Bush Tähran üzeneñ uran bayıtuın tuqtatmağan oçraqta anıñ belän bernindi söyläşülär bulmıyaçağın inde äytep quydı.
AQŞ räsmiläre Tährannı Ğiraqtağı şığıy suğışçılarğa turıdan turı aqça häm qoral belän yardäm itüdä ğäyepli.
Dimäşqne isä Wağington Ğiraqqa Süriä aşa ütüçe yaña suğışçılarnı häm ğisyançılarğa aqça ağımın tuqtatu öçen citärlek tırışmawda ğäyepli.
Naif Aqmal, Praga.