Bazarda säwdä itüçe üzbäklär, taciklar, äzerbäycannar häm tağın başqa möhacirlär bezgä törle awırular, pıçraq alıp kilälär, salım tülämilär dielde selektor kiñäşmädä - yañalıqlar tärtip kertü öçen kiräklege äytelde. Älege kiñäşmä selektor bulğanlıqtan, yäğni anda telefon elemtäse aşa Rusiäneñ küp töbäkläre qatnaşa aldı. Xabarovski, Tömän, Leningrad ölkäläre, Krasnodar krae wäkilläre üzlärendäge wäzğıät belän tanıştırdı, Tatarstanğa isä çirat citmäde. Ğomumän bu kiñäşmägä Tatarstannıñ migratsiä, sanitariä ölkäse, eçke eşlär ministrlığı wäkilläre kilgän ide. Çönki yañalıqlar kertü ölkäsendä näq älege oyışmalar şöğellänäçäk. Şulay uq alarğa salım ministrlığı da östälä, çönki bügen satuçılarnı küpçelege räsmi bulmağan räweştä genä säwdä itep, aqça alıp kire üz yaqlarına tayalar ikän. Bu xaqta Rusiäneñ Tatarstandağı Federal' migratsiä xezmäte idäräse citäkçese urınbasarı Nikolay Vladimirov:
Qanun nigezendä kilep eşlärgä tieşlär. Şuña bez xalıqqa zıyan kitermiçä tärtip kertergä tieşNikolay Vladimirov Tatarstanda yäşäwçe törle milli-mädäni oyışmaları citäkçeläre belän oçraşıp söyläşü buldı häm añlaşu tabıldı dip bilgeläp uzsa da, üzbäklärneñ Tatarstandağı milli mädäni oyışması citäkçese Abdulmanat äfände “Azatlıq” radiosına söylärgä baş tartıp – bezgä bernindi eş yunäleşlären dä añlatuçı yuq, alarnıñ migratsiä, Eçke eşlär ministrlığına sorawları barlığın äytte. Äzerbäycan milli oyışması citäkçese Zıуfаt äfände:
Qanun üze bar, ämma anıñ ütäw buyınça äle burıçlar, yunäleşlär bilgelänmägän. Migratsiä xezmäte äle añlatmalar birmäde. Zıyafat äfände bu qarar qayber töbäklärgä qağılmas häm Tatarstan şular rätendä bulır dip assızıqladı.
Bügenge köndä Tatarstan bazarlarında 27 meñ keşe eşli häm şularnıñ 44, yäğni yartısı tiräse çit ildän kilüçelär ikän. Alar kitkäç bazarda nindiräk xäl tuuın äle äytergä awır. Nikolay Vladimirov:
Bezneñ bazarda urınnar buş bulırğa tieş tügel, bäyälär artırğa tieş tügel, xalıq qıyınlıq kürmäskä tieş. Şuña bez eş alıp barabız.
Migratsiä xezmäte idäräse citäkçese urınbasarı Nikolay Vladimirov bäyälär artmasqa tieş dip beldersä dä, Äzerbäycan milli mädäni üzäge citäkçese xäl qatlawlansa, bilgele möhacirlär alıp kilgän, ayırım alğanda BDB illärennän kilgän tauarlarğa xaqlar kütäreläçägen äytte.
Landış Xarrasova.