Cinayätçe zakon buyınça cawap birergä tieş, ä milläte möhim tügel.
Din, räncetü belän cinayät eşlägän keşelärneñ milläten äytergä kiräk, qayber çaqta din qanunı belän dönyawi qanunnar qarşı kilä.
Televideniedä cinayätçeneñ milläte turında äytergä kiräkmi.
Ber süz dä äytä almıym.
Cinayät eşlägän keşegä tikşerü eşe ütkärergä kiräk. Cinayät eşe naçarlıq bit inde. Menä äle tuğanımnı üterep taşladılar. Naçar eş bit inde. Şulay bulğaç, milläten äytü möhim tügel.
Cinayätçeneñ milläten ataw, bu alıp barğan eşkä qarata nindider ber milli kierenkelek tudıra. Kiräkmi,- dip uylıym. Çönki keşe tabiğäte ul urısmı, tatarmı, nimesme – ul böteneseneke dä ber törle. Ägärdä berärse üz mänfägat'lären genä qayğırtıp, maxsus räweştä bu eşkä qarata uçaqqa may sipmäsä.
Älbättä, härkemgä üz milläte möhim. Sud häm prokuraturada, häm şulay uq jurnalistlarğa cinayätçeneñ milläte turında berdä äytergä kiräk tügel. Çönki anıñ keşelekkä kürsätkän zıyanı rol' uynıy.
Mäsälän, başqa ildän kilep berär keşe cinayät eşläsä, qılğan cinayäte öçen bezneñ ilneñ keşeläre xökem itelgän kebek ük, ul da xökem itelä, törmägä utırtıla.
Cinayätçeneñ milläten ataw kiräk tügel, yuqtır. Här xalıqnıñ yaxşı keşeläre häm naçar keşeläre bar.
Tatar xalqı, yäğni menä min mäsälän, qıçqırmıym bit inde menä min cinayätçe, min tatarmın,- dip. Cinayätçelär böten konfessiälärdä dä bar.
Cinayätçe millätkä qaramıy. Anıñ milläten ataw möhim tügel.
Bu millätkä qaramıy, keşeneñ üzenä qarıy.
Cinayät ul naçarlıq eşläw, naçar ğämällär qılu, iñ berençe ul keşegä naçarlıq eşläw. Millät statistika buyınça qaralırğa tieş, tik statistika buyınça ğına. Jurnalistlar tarafınnan äytergä kiräk tügel. Äytälär ikän , dimäk alarğa kiräk ul. Jurnalistlarğa, äytergä kiräkme yuqmı, belmim . Bälki süz çığarır öçen genä . Qaysı ber keşe süz çığarırğa yarata , menä ul möselman - ul naçarlıq eşlägän, yäki menä ul rus - ul naçar ikän , -dip süz çığarır öçen genä.
Mälikä Basıyr