Rusiä prezidentı Vladimi Putin küp yıllar buyı Üzäk Saylaw Komissiäsen citäklägän Aleksandr Veşnyakovnıñ bu wazıyfada qaluın telämi. Sişämbe könne Putin anı yaña komissiägä kerüçe prezident wäkilläre isemlegenä kertmäde. Küp kenä küzätüçelär bu üzgäreş Üzäk Saylaw Komissiäseneñ tulısınça Mäskäw Kremlenä buysınuına kiteräçäk dip isäpli.
Yaña üzäk saylaw komissiäsenä prezident bilgelägän 5 namzät arasında Komissiäne 1999 yıldan birle citäklägän Veşnyakov yuq. Bu ay axırındaraq eşkä kereşäçäk 15 äğzadan torğan yaña komissiägä Federatsiä şurası belän Däwlät duması da 5-är wäkil kertte. Federatsiä Şurası näq elekke wäkillären yañadan cibärde. Duma 2 wäkilen almaştırdı. Putin isä yaña törkemdä üzeneñ elekke wäkilläreneñ bersen genä Vasiliy Volkovnı ğına qaldırdı.
Putinnıñ üz wäkillären almaştıruına bernindi añlatma da birelmäde. Üzäk Saylaw Komissiäse här dürt yılğa bilgelänä. Komissiäne citäkläw möddäte çikläwläre yuq.
Veşnyakov 2003 yıldağı parlament häm 2004-täge prezident saylawlarınnan soñ ilneñ saylaw qanunnarın üzgärtü eşläreneñ başında tordı. Şularnıñ iñ zurısı firqälär çağıştırmasına nigezlänüçe duma saylawlarına küçü.
Xäbär agentlıqları ber duma wäkileneñ Veşnyakov eşenä yuğarı bäyä birep aña yaña citäkçe wazıyfa täqdim iteläçäk dip äytüe turında belderä.
Elegräk Üzäk Saylaw Komissiäsen citäklägän Nikolay Ryabov Çexiägä häm soñraq Azärbäycanğa ilçe itep bilgelängän ide.
Veşnyakov elegräk üzeneñ wazıyfadan kitü mömkinlege turinda bu faciğä bulmıyaçaq dip äytkän ide.
Şulay da Veşnyakovnıñ kitüe anı Mäskäw kremlenä çağıştırmaça tuğrı keşe dip sanağan küplär öçen kötelmägän xäl buldı.
Säyäsi Texnologiälär Üzäge citäkçeläreneñ berse Aleksey Makarkin Azatlıq radiosına bu üzgäreş Kremlneñ alda torğan ilküläm saylawlar aldınnan komissiä citäkçelegenä tıñlawçanraq keşe quyu telägen çağıldıra ala dide.
"Minemçä, prezident saylawları aldınnan Kreml ul saylawlarnı küzätep baraçaq häm yomğaqlıyaçaq üzäk saylaw komissiäsendä parner buluı möhim tügel dip isäpli. Ä Veşnyakov Kremlneñ partnerı ide, üz ambitsiäläre bulğan, bilgele ber däräçädä avtonom bulğan, bilgele ber däräcädä üz şartların quyuçı keşe ide. Kreml nığraq bäyle, üz ambitsiäläre bulmastay keşene telider" dide Makarkin.
Çärşämbe könne basılğan küp kenä Rusiä gazetlarında da törle küzätüçelär şundıyraq fiker belderde.
Yaña komisiäne kem citäkliäçäge turında farazlar älegä törle. Citäkçene komissiä äğzaları saylap quyaçaq. Yaña komissiägä Veşnyakov belän bergä moñarçı anıñ urınbasarı bulğan Oleg Velyaşev belän komissiä sekretare Olga Zastrojnaya da kertelmäde. Bu inde küpçelek äğzalar elekkeçä qalsa da citäkçelek tulısınça almaşına digän süz.
Yaña komissiä bu yıl axırındağı parlament häm kiläse yazda kötelgän prezident saylawların ütkäräçäk.
Naif Aqmal
Putinnıñ üz wäkillären almaştıruına bernindi añlatma da birelmäde. Üzäk Saylaw Komissiäse här dürt yılğa bilgelänä. Komissiäne citäkläw möddäte çikläwläre yuq.
Veşnyakov 2003 yıldağı parlament häm 2004-täge prezident saylawlarınnan soñ ilneñ saylaw qanunnarın üzgärtü eşläreneñ başında tordı. Şularnıñ iñ zurısı firqälär çağıştırmasına nigezlänüçe duma saylawlarına küçü.
Xäbär agentlıqları ber duma wäkileneñ Veşnyakov eşenä yuğarı bäyä birep aña yaña citäkçe wazıyfa täqdim iteläçäk dip äytüe turında belderä.
Elegräk Üzäk Saylaw Komissiäsen citäklägän Nikolay Ryabov Çexiägä häm soñraq Azärbäycanğa ilçe itep bilgelängän ide.
Veşnyakov elegräk üzeneñ wazıyfadan kitü mömkinlege turinda bu faciğä bulmıyaçaq dip äytkän ide.
Şulay da Veşnyakovnıñ kitüe anı Mäskäw kremlenä çağıştırmaça tuğrı keşe dip sanağan küplär öçen kötelmägän xäl buldı.
Säyäsi Texnologiälär Üzäge citäkçeläreneñ berse Aleksey Makarkin Azatlıq radiosına bu üzgäreş Kremlneñ alda torğan ilküläm saylawlar aldınnan komissiä citäkçelegenä tıñlawçanraq keşe quyu telägen çağıldıra ala dide.
"Minemçä, prezident saylawları aldınnan Kreml ul saylawlarnı küzätep baraçaq häm yomğaqlıyaçaq üzäk saylaw komissiäsendä parner buluı möhim tügel dip isäpli. Ä Veşnyakov Kremlneñ partnerı ide, üz ambitsiäläre bulğan, bilgele ber däräçädä avtonom bulğan, bilgele ber däräcädä üz şartların quyuçı keşe ide. Kreml nığraq bäyle, üz ambitsiäläre bulmastay keşene telider" dide Makarkin.
Çärşämbe könne basılğan küp kenä Rusiä gazetlarında da törle küzätüçelär şundıyraq fiker belderde.
Yaña komisiäne kem citäkliäçäge turında farazlar älegä törle. Citäkçene komissiä äğzaları saylap quyaçaq. Yaña komissiägä Veşnyakov belän bergä moñarçı anıñ urınbasarı bulğan Oleg Velyaşev belän komissiä sekretare Olga Zastrojnaya da kertelmäde. Bu inde küpçelek äğzalar elekkeçä qalsa da citäkçelek tulısınça almaşına digän süz.
Yaña komissiä bu yıl axırındağı parlament häm kiläse yazda kötelgän prezident saylawların ütkäräçäk.
Naif Aqmal