Sankt – Peterburg şähärendä “Zamandaşlar sağışı” isemle cıynaq qına, qatı tışlı, kükräk kesäsenä sıyarlıq şiğır kitabı dönya kürde. Kitapçıq Sankt – Peterburgta basılsa da, avtorı Gölsirä xanım Fäxretdinova ğömerenä Samar ölkäseneñ Mulla awlında yäşäde häm yäşi. Sıyfatlı käğäzdä, hönärmänd rässam Kuguşov kitapnı sänğati bizägän. Kitapqa kereş süzendä avtor mondıy yullar yazğan:
“Min keçkenädän şiğır uqırğa – yatlarğa yarata idem. Şiğır - ul keşeneñ tormış, kön- küreşenä häm xalqımnıñ tarixına da bäyle. Yäş waqıtlarda bezgä awır zamanalar kiçärgä turı kilde. Balalar üsep citkäç, tormış ciñeläygäç, şiğırlär yaza başladım”,- di Gölsirä apa.
Gölsirä apa awılı turında, awıldaşları turında ğorurlanıp yaza. Şatlana belä, läkin dä tımızıq ğına, çänçi barmağına ğına elägerlek çäneçterep tä quya:
Mäçetlärgä cıyınalar
Zamananıñ qartları.
Bäxäsläşä, bäxäsläşä
Onıtalar Allanı.
Şayan taqmaqlarında tuğan yort, kürşe- küläm, awıldaşları belän genä çiklänmiçä, olı tuğannıñ türälärenä dä kizänep ala:
Çeçnyadağı soldatlarnı
Bazğa iltep taşlıylar.
Rossiäneñ türäläre
Cirne satıp aşıylar.
Äti süze kemgä qäderleräkter, qız balağa mı, ällä malay keşegäme? Äti keşene qızlar kübräk yarata sıman, çönki xatın- qız küñele neçkäräk bit häm ulirlär yörägen eretergä köylägän cirdäge färeştä. Sigez distäsen tutırğan Gölsirä apa:
“Äti” süzen äytälmädek inde,
Yatıp qaldı gäwdäñ dalada,”- dip sıqrana.
Ätisez üskän qız balanıñ sıqrawın Gölsirä apa bolay belderä:
Üsep citkäç tä kiräk bit
Ätkäy- änkäy yärdäme.
Qara gürgä keräm inde,
Bulmadı dönya yäme.
Gölsirä apa Fäxretdinovanıñ şiğri cıyıntığı 22 xat itep basılğan.Üzençäleklelär. Härberse ber temanı kütärä. Rus arasında keçkenä genä mäçetle tatar awılı. İseme dä Mulla bit. Gölsirä apa bersennän- berse çibär, buldıqlı öç ir üstergän. Öçese - öç hönär iäläre. Sankt- Peterburgta yäşäp yatuçısı Rumil – Sovet Armiäse polkovnigı. Xäzer eşquarlıqta, cirle tatar möxtäriätendä millätenä xezmät itä. Rumil üz aqçasına äniseneñ şiğırlären kitap itep çığarğan.
Şamil Bahautdin, Samar