Tatarstan prezidentı Miñtimer Şäymievneñ Şvetsiägä säfäre tämamlandı
Çärşämbe, 27 mart könne, Tatarstan prezidentı Miñtimer Şäymievneñ Şvetsiä däwlätenä räsmi säfäre tämamlandı. Sişämbe könne, inde xäbär itkänebezçä, respublika delegatsiäse Şvetsiäneñ başqarma xaqimiäte belän oçraştı, törle säwdä-iqtisadi bäyläneşlär turında söyläşülär alıp bardı. Şulay uq tatarstanlılar törle kompaniä häm şirqätlärdä bulıp, alarnıñ eşçänlege belän tanıştılar. Säfärneñ soñğı könen Tatarstan delegatsiäse Şvetsiäneñ Skone töbägeneñ administrativ üzäge Lund şähärendä ütkärde. Anda küpsanlı eşlekle oçraşular häm Tatarstan respublikasın täqdirläw kiçäse buldı. Çärşämbe kiçen Şäymiev Qazan aeroportına qaytıp töşergä tieş.
«Tatarstan» telekanalında respublika konstitutsiäsen tikşerü däwam itä. Çärşämbe, 27 mart könne, «Krug voprosov» dip isemlängän tapşıru yänä respublikanıñ töp qanunına bağışlandı. Tamaşaçılarnıñ küpsanlı sorawlarına Tatarstan Däwlät Sovetı räise Färit Möxämmätşin cawap birde. Pänceşämbe könne irtän Färit Möxämmätşin qatnaşlığında şul uq mäsälägä bağışlanğan tapşıru «Tatarstan» radiosında kötelä. Şulay itep Tatarstan konstitutsiäsen tikşerü soñğı arada bik aktiv bara. İsegezgä töşerep ütik, konstitutsiäne Däwlät Şurasında qaraw comğa könne, 29 martta bulaçaq.
«Tatarstan» telekanalında respublika konstitutsiäsen tikşerü däwam itä. Çärşämbe, 27 mart könne, «Krug voprosov» dip isemlängän tapşıru yänä respublikanıñ töp qanunına bağışlandı. Tamaşaçılarnıñ küpsanlı sorawlarına Tatarstan Däwlät Sovetı räise Färit Möxämmätşin cawap birde. Pänceşämbe könne irtän Färit Möxämmätşin qatnaşlığında şul uq mäsälägä bağışlanğan tapşıru «Tatarstan» radiosında kötelä. Şulay itep Tatarstan konstitutsiäsen tikşerü soñğı arada bik aktiv bara. İsegezgä töşerep ütik, konstitutsiäne Däwlät Şurasında qaraw comğa könne, 29 martta bulaçaq.