Başqort däwlät teatr artistları Bötendönya tatar kongressında
Menä inde altınçı kön Ğäliäskär Kamal teatrı binasında başqort tele yañğırıy. Qazanda şaqtıy uñışlı ğına Mäcit Ğafuri isemendäge başqort däwlät drama teatrınıñ gastrolläre bara. Konsertlar, mädäni kiçälär, teatr tamaşaları yış bula torğan Qazannı gastrolçe artislar belän gäcäpländerüwe qıyın. Bigräk tä, tuğan tele bularaq başqortça söyläşüçelär az bulğan Qazanda başqort teatrına tamaşaçı tabu ciñel tügel. Şulay da, reklama, tamaşaçılarnı cälep itü häm tatarlarnıñ başqort xalqı, sänğäte belän qızıqsınuwı arqasında teatr zalları buş tügel. Härwaqıt anşlag bulmasa da, tamaşaçılar bar. Başqort häm tatar teatrları üzara qunaqqa yörep Ufa häm Qazan säxnäsendä çığış yasaw ğädätkä kerep kitkän. Uzğan yılnıñ yaz könärendä Kamal teatrı Ufada uñışlı gastrollär ütkärgän ide. Döres, tatar teatrı Ufağa barğanda, alarğa başqort teatrı binası remontta bulu säbäple Ğafurilelär säxnäsendä çığış yasarğa turı kilmägän. Qazan artistları ğädättä neftyanik mädäniät sarayınıñ zur häm zatlı binasında çığış yasağan idelär. Anda tatar sänğätenä susap, kümäkläp teatrğa kilüçelär bik küp bulğan ide.
Başqortlarnı Qazanda zurlap häm açıq küñel belän qarşıladılar. Ğafuri teatrı artistların sişämbe könne Bötendönya tatar kongressında qabul itü turında aldağı tapşıruda äytkän idek. Bu oçraşu xaqında qayber östämä mäğlümätlär dä birü urınlı bulır. İndus Tahirov häm anıñ urınbasarları belän oçraşuğa teatrnıñ sänğät direktorı Xörmätulla Utyaşev, mäşhür säxnä ostaları Gölli Möbäräqova, Nuriä İrsaeva, Tañsılu Babiçeva, Zaxir Wälitov, Mullayan Säyärğılov, Räfil Näbiullin häm başqalar kilgän ide. Oçraşuda tatar häm başqort xalıqlarınıñ teatrnı yaratuı, milli üseştä sänğätneñ ähämiäte, tatar häm başqort sänğätkärläreneñ duslığı häm xezmättäşlege turında süz bardı. Tatar häm başqort telläreneñ, mädäniätläreneñ yaqınlığı, şaqtıy däräcädä urtaqlığı, ike millät häm mädäniät arasında yasalma kirtälär häm divarlar quyıluınıñ urınsızlığı turında fiker yañğırağanda, başqort teatrınıñ yoldızı, elegräk baş rejisser wazıyfaların ütägän Gölli Möbäräqova yaqınlıqnıñ da beraz çige buluı, başqort belän tatarnıñ ike ayırım millät buluı turında da äytte. Şuña da qaramastan, başqort spektakllärenä kilüçe tatarlar tärcemä aşa tekstnı tıñlıy torğan qolaqçınnar almıylar ikän. Qayber qunaqlar başqort sänğätkärlären Qazanda iskitkeç cılılıq belän qabul itüne bilgeläp üttelär. Başqortlar san buyınça tatardan azraq, alarnı ütkän çorlarda küpläp kimetkännär, qırğannar dip dalilläü beraz säyereräk yañğırasa da, xucalar tatarlarnıñ niçek qorıluı häm kimüe turında süz quyırtmadı. Yähüdlärneñ Xolokost faciğäse, başqortlarnıñ kimüe häm qorıluı şuşı millätlärne yaklau häm köçäytü öçen yış qullanıla torğan alım bulsa, tatarlar üzläreneñ faciğäsen kürsätä häm milli ixtıacların alay uq osta añlata belmilär. Bu oçraşunıñ täcribäse bälki Tatar kongressı ähellärenä dä sabaq bulır. Tatar kongressında oçraşuda başqort xalqına, sänğätenä xörmät, ixtiram kürsätelde. Tatar ğailäsendä, tatar awılında üskän Nuriä İrsaeva, İlsöyär Gäzetdinova, İldar Ğomärovlarnıñ niçek itep başqort sänğätenä kerep kitüläre, xäzer inde başqort xalqınıñ ber öleşenä äylänüläre turında süz quyırtılmadı. Şulay da, qayber tatarlarnıñ ike respublika, ike millät isemennän ike teldä söyläşüe xäzerge Başqortostan, Tatarstan yäşäyeşeneñ ber üzençälege bularaq istä qaldı. Qazanlılar şuşı oçraşudan soñ başqort sänğätkärläre arasında çın başqortlar häm tatardan yasalğan başqortlarnıñ nindi buluın yaxşıraq añlıy başladılar. Telägän waqıtta tatarça da, başqortça da söyläşü, här ike mädäniätne yaxşı belü ciñel bulğaç, monda millät ara qarşılıqlar çıqmasqa tiyeş. Milli sänğät törle millät wäkillären berläşterä ala. Tatarlar häm başqort bergä bulıp ta härqaysınıñ üz yöze, tele, üzençälege saqlansın öçen, härwaqıt uylanırğa, konkret ğämällär eşlärgä kiräk, digän näticä yasaldı bu oçraşuda. Başqort teatrınıñ Qazandağı gastrolläre 14 aprilgä qädär däwam itäçäk.
Başqortlarnı Qazanda zurlap häm açıq küñel belän qarşıladılar. Ğafuri teatrı artistların sişämbe könne Bötendönya tatar kongressında qabul itü turında aldağı tapşıruda äytkän idek. Bu oçraşu xaqında qayber östämä mäğlümätlär dä birü urınlı bulır. İndus Tahirov häm anıñ urınbasarları belän oçraşuğa teatrnıñ sänğät direktorı Xörmätulla Utyaşev, mäşhür säxnä ostaları Gölli Möbäräqova, Nuriä İrsaeva, Tañsılu Babiçeva, Zaxir Wälitov, Mullayan Säyärğılov, Räfil Näbiullin häm başqalar kilgän ide. Oçraşuda tatar häm başqort xalıqlarınıñ teatrnı yaratuı, milli üseştä sänğätneñ ähämiäte, tatar häm başqort sänğätkärläreneñ duslığı häm xezmättäşlege turında süz bardı. Tatar häm başqort telläreneñ, mädäniätläreneñ yaqınlığı, şaqtıy däräcädä urtaqlığı, ike millät häm mädäniät arasında yasalma kirtälär häm divarlar quyıluınıñ urınsızlığı turında fiker yañğırağanda, başqort teatrınıñ yoldızı, elegräk baş rejisser wazıyfaların ütägän Gölli Möbäräqova yaqınlıqnıñ da beraz çige buluı, başqort belän tatarnıñ ike ayırım millät buluı turında da äytte. Şuña da qaramastan, başqort spektakllärenä kilüçe tatarlar tärcemä aşa tekstnı tıñlıy torğan qolaqçınnar almıylar ikän. Qayber qunaqlar başqort sänğätkärlären Qazanda iskitkeç cılılıq belän qabul itüne bilgeläp üttelär. Başqortlar san buyınça tatardan azraq, alarnı ütkän çorlarda küpläp kimetkännär, qırğannar dip dalilläü beraz säyereräk yañğırasa da, xucalar tatarlarnıñ niçek qorıluı häm kimüe turında süz quyırtmadı. Yähüdlärneñ Xolokost faciğäse, başqortlarnıñ kimüe häm qorıluı şuşı millätlärne yaklau häm köçäytü öçen yış qullanıla torğan alım bulsa, tatarlar üzläreneñ faciğäsen kürsätä häm milli ixtıacların alay uq osta añlata belmilär. Bu oçraşunıñ täcribäse bälki Tatar kongressı ähellärenä dä sabaq bulır. Tatar kongressında oçraşuda başqort xalqına, sänğätenä xörmät, ixtiram kürsätelde. Tatar ğailäsendä, tatar awılında üskän Nuriä İrsaeva, İlsöyär Gäzetdinova, İldar Ğomärovlarnıñ niçek itep başqort sänğätenä kerep kitüläre, xäzer inde başqort xalqınıñ ber öleşenä äylänüläre turında süz quyırtılmadı. Şulay da, qayber tatarlarnıñ ike respublika, ike millät isemennän ike teldä söyläşüe xäzerge Başqortostan, Tatarstan yäşäyeşeneñ ber üzençälege bularaq istä qaldı. Qazanlılar şuşı oçraşudan soñ başqort sänğätkärläre arasında çın başqortlar häm tatardan yasalğan başqortlarnıñ nindi buluın yaxşıraq añlıy başladılar. Telägän waqıtta tatarça da, başqortça da söyläşü, här ike mädäniätne yaxşı belü ciñel bulğaç, monda millät ara qarşılıqlar çıqmasqa tiyeş. Milli sänğät törle millät wäkillären berläşterä ala. Tatarlar häm başqort bergä bulıp ta härqaysınıñ üz yöze, tele, üzençälege saqlansın öçen, härwaqıt uylanırğa, konkret ğämällär eşlärgä kiräk, digän näticä yasaldı bu oçraşuda. Başqort teatrınıñ Qazandağı gastrolläre 14 aprilgä qädär däwam itäçäk.