1992 yılnıñ 19 yünendä berençe Bötendönya Tatar Kongressı açılğan ide
Qazanlılar 23 yündä ütäçäk Sabantuyına äzerlänälär. Bıyıl bu borınğı milli bäyräm 7 urında ütkäreläçäk. Andağı 7 mäydanda 500 köräşçe, 400 artıq artistlar törkeme xalıqqa bäyräm käyefe tarataçaq. Qazannıñ üzägendä, Yarmaroçnaya dip atalğan mäydanda xättä yäş estrada yoldızı Alsu da çığış yasar dip kötelä. Sabantuyda, şulay uq, Rusiäneñ törle regionnarınnan Bötendönya tatar kongressı çaqıruı belän kilgän 100 artıq millättäşlärebez dä qatnaşaçaq. Ä 22 yündä alarnı Tatarstan prezidentı Mintimer Şäymiev qabul itäçäk.
Bügen tağın ber istälekle kön. 10 yıl elek 19 yün könne Berençe Bötendönya tatar kongressı açıldı. Bu kongress tatar cämäğätçelege öçen ğäyät zur ähämiätle häm möhim waqiğa. Bigräk tä, III Bötendönya tatar kongressına äzerlek däwerendä. Läkin, şuña da qaramastan, bu datanı ällä ni iskä töşerüçe bulmadı kebek. Xättä tatar matbuğatı da bu xaqta berni yazmadı. Avgust ayında ütäçäk tatarlarnıñ öçençe cıyını da şulay tiz onıtılmas mikän? Xäyer, busı inde anıñ eşçänlegennän häm näticälärennän torır.
Azatlıq radiosı öçen Tatarstan xäbärläre belän Qazannan Gölnaz İlgizär
Bügen tağın ber istälekle kön. 10 yıl elek 19 yün könne Berençe Bötendönya tatar kongressı açıldı. Bu kongress tatar cämäğätçelege öçen ğäyät zur ähämiätle häm möhim waqiğa. Bigräk tä, III Bötendönya tatar kongressına äzerlek däwerendä. Läkin, şuña da qaramastan, bu datanı ällä ni iskä töşerüçe bulmadı kebek. Xättä tatar matbuğatı da bu xaqta berni yazmadı. Avgust ayında ütäçäk tatarlarnıñ öçençe cıyını da şulay tiz onıtılmas mikän? Xäyer, busı inde anıñ eşçänlegennän häm näticälärennän torır.
Azatlıq radiosı öçen Tatarstan xäbärläre belän Qazannan Gölnaz İlgizär