Tatarstan Prezidentı Mintimer Şäymiev Qırım cirendä

Prezident Mintimer Şäymiev, Kaspi dingezendäge öyränülärdä häm Dağıstanda häläk bulğan desantçılarnı iskä alu çarasında bulğannan soñ, Qırım respublikasına kitkän. İntertat.ru agentlığı xäbär itkänçä, 12 avgust könne Tatarstan Prezidentı Ukraina xökümäte wäkilläre belän söyläşülär alıp barğan. Şuşı oçraşuda «Tatneft» şirkäte citäkçese Şäfqät Taxautdinov ta qatnaşırğa tieş. Mäğlüm bulğança, Ukraina cirendä Tatarstan häm Ukrainanıñ “Uktrtatnafta” digän urtaq şirkäte eşläp kilä. Şuña kürä, älege söyläşüdä, süz neft eşkärtü mäsäläre turında barır, dip farazlap bula.