Tatarstan wäkilläre Çiläbe wä Qasımğa cıyena

İnde suverenitetnı, däwlätçelekne, respublika prezidentınıñ tatar telen belü täläben çığarıp ırğıtu zamanı citkäç, Tatarstannıñ çit töbäk tataralarına mönäsäbäte niçek bula? Ä menä niçek. Çärşämbe könne Çiläbedä Tatarstan könnäre başlana. Anda prezident Mintimer Şäymiev citäkçelegendäge delegatsiä barırğa tieş. Atna axırında Ryazan ölkäseneñ Qasım şähäre tözelügä 850 yıl tulaçaq. Bu tantanağa da Tatarstannan artistlar, räsmi wäkillär baraçaq. Tatar dönyası sünep betmägän utlı kümerdäy haman cemeldäp tora. Millät belän bäyle waqığalar alda äle.

“Azatlıq” radiosı öçen Qazannan Rimzil Wäli