Tatar klassik muzıkasın saqlaw häm üsterü maqsatınnan yaña çaralar

1 oktäberdä äle xalıqara muzıka köne dä. Monısın da respublikanıñ räsmi dairälärendä iğtibarsız qaldırmadılar. Mädäniät ministrı İldus Tarxanovnıñ räsmi mäğlümat çaralarında çıqqan belderüendä respublikanıñ muzıka traditsiälärenä bay buluın, Fedor Şalyapin isemendäge opera, Rudolf Nuriev isemendäge balet xalıqara festivallären iskä ala. Milli kompozitorlarıbız mirasın klassik tatar muzıkasın saqlaw, taratu nisbätennän mädäniät ministrlığı bıyılnıñ dekaberendä Tübän Kamada vokalçılarnıñ S.Säydaşev isemendäge VI tübäk bäygesen, ä kiläse yılda vokalçılar häm konsertmeysterlarnıñ Röstäm Yäxin isemendäge I xalıqara konkursın ütkärergä äzerlänä.