Rusiäneñ elekke millätlär ministrı Sergey Şaxray Qazanğa kilde
Xaqimiät vertikalen nığıtu säyäsäte dawam itä. Töbäk citäkçelären qısqa dilbegädä totu yözennän Däwlät Duması yuğarı palata, yäğni Federatsiä Şurası statusı turındağı qanunğa yaña tözätmälär qabul itte. Bu region häm respublika citäkçeläreneñ qolaq töplärenä tağın ber qat menep töşü buldı. İnde xäbär itkänebezçä, oşbu ğamälne Tatarstan prezidentı başbaştaqlıq dip bäyäläde. Mäsälä şunda ki, mondıy östämälär köçkä kersä töbäklärdän yuğarı palatağa cibärelgän wäkillär üz regionnarınıñ mänfäğätlären yaqlawdan mäxrüm itelälär. Mintimer Şäymiev fikerençä, bu oçraqta andıy wäkillärne çaqırtıp alırğa turı kilä, çönki alarnıñ Federal' Şurada utıruınıñ kiräge qalmıy.
Ber-işe xäbärlärgä qarağanda, pänceşämbedä Rusiäneñ millätlär eşe buyınça elekke ministrı Sergey Şaxray qısqa waqıtlı vizit belän Qazanğa kilgän. Anıñ belän yabıq işeklär artında Mintimer Şäymiev häm Färit Möxämmätşin söyläşü alıp barğannar, dilär. Älbättä, süz Mäskäw-Qazan mönäsäbätläre turında barğandır. Xäzer Xisap palatasında ğına eşläsä dä eks-ministr, küräseñ, faydalı kinäşlär birergä sälätle. Bälkem, federal' citäkçelärgä yoğıntısı da bardır, alar arasında süze dä ütäder. Yuqsa, anı Qazanğa çaqırmaslar ide.
Ber-işe xäbärlärgä qarağanda, pänceşämbedä Rusiäneñ millätlär eşe buyınça elekke ministrı Sergey Şaxray qısqa waqıtlı vizit belän Qazanğa kilgän. Anıñ belän yabıq işeklär artında Mintimer Şäymiev häm Färit Möxämmätşin söyläşü alıp barğannar, dilär. Älbättä, süz Mäskäw-Qazan mönäsäbätläre turında barğandır. Xäzer Xisap palatasında ğına eşläsä dä eks-ministr, küräseñ, faydalı kinäşlär birergä sälätle. Bälkem, federal' citäkçelärgä yoğıntısı da bardır, alar arasında süze dä ütäder. Yuqsa, anı Qazanğa çaqırmaslar ide.