Üzbäkstanda 2 atna bulğan Berläşkän Millätlär Oyışmasınıñ keşe xoquqları wäkile Theo van Boven, Üzbäk räsmiläre totqınnardan cawap alır öçen alarnı daimi räweştä cäberläp tora, dip belderde. Cäberläw-sistemağa kergän, dide ul. Törmädä çaqta cäberlängän keşelär, alarnıñ tuğannarı häm ğailä äğzaläre belän söyläşkännän soñ, van Boven, üzbäk politsiäse häm küzläw oyışmalarında qıynau, elektrik şok, totqınnarnı suğa batıru häm başlarına plastik qapçık kiderep buu kebek küreneşlärneñ ğadäti buluın açıqlağan. Totqınnarnıñ tuğannarına da qurqınıç yanağan bulğan.
