Qazanğa Amerika Quşma Ştatlarınnan ber qunaq kilde. Colorado ştatı gubernatorı Bill Owens utırğan oçqıç Qazan hawa alanına düşämbe kiç kenä töşep utırdı. Şuña kürä, qunaqnıñ töp oçraşuları, sişämbe könne irtän başlanıp kitte. Bil Owens respublika premyer-ministrı, bu säfärne oyıştırğan tışqı iqtisadıy bağlanışlar ministrlığı citäkçese, parlament räise belän oçraştı. Ul şulay uq, Qazan universitetında bulıp, studentlar häm rektor belän küreşergä, ä iñ möhime – respublikanıñ ere şirkätlären qarap, ike aradağı iqtisadıy bağlanışlarnı nığıtuğa yardäm itärgä tieş.
Räsmi mäğlümätlärgä qarağanda, Amerika Tatarstannıñ iqtisadıy partnerlarınıñ berse bulıp tora, 2001 yılda ike yaqlı tawar äyläneşe $60 million täşkil itkän. Läkin bu da äle, ütkän yıl belän çağıştırğanda, 11,6% azraq. Tatarstannan Amerikağa sintetik kawçuk, qara metal, ximiä tarmağı citeştergän äyberlär kitä. Amerika bezgä mexanik häm elektrik, ülçäw cihazları, ciñel maşinalar kertä. Tatarstanda Amerika kapitalı qatnaşqan 30 şirkät eşläp kilä. 1994 yıldan başlap Quşma Ştatlarda Tatarstannıñ daimi wäkilçelege eşli.
Qazanğa kilgänçe, Tatarstan turında närsä belä idegez, digän sorawğa, ul: «min Rusiädäge xällärne küzätep baram. 1991-1994 yıllarda bulğan waqiğalar çorında tuğan qıyınlıqlarnı Tatarstan respublikası tınıç yul belän xäl itä aldı», dide. Däwlät şurası räise Färit Möxämmätşin qunaqnı qabul itkändä, anıñ Ştatınıñ qanun çığaru cıyılışı turında bik küp sorawlar birde. Bill Owens, bezdä ike palatalı parlament, läkin miña, üzemä ber palatalası kübräk oşıy, çönki anıñ belän idärä itärgä ciñelräk, dide. Şunısı qızıqlı, Colorado gubernatorı, üzäk belän töbäk arasında tua torğan qarşılıqlarnı ğädäti küreneş dip atadı.
Räsmi mäğlümätlärgä qarağanda, Amerika Tatarstannıñ iqtisadıy partnerlarınıñ berse bulıp tora, 2001 yılda ike yaqlı tawar äyläneşe $60 million täşkil itkän. Läkin bu da äle, ütkän yıl belän çağıştırğanda, 11,6% azraq. Tatarstannan Amerikağa sintetik kawçuk, qara metal, ximiä tarmağı citeştergän äyberlär kitä. Amerika bezgä mexanik häm elektrik, ülçäw cihazları, ciñel maşinalar kertä. Tatarstanda Amerika kapitalı qatnaşqan 30 şirkät eşläp kilä. 1994 yıldan başlap Quşma Ştatlarda Tatarstannıñ daimi wäkilçelege eşli.
Qazanğa kilgänçe, Tatarstan turında närsä belä idegez, digän sorawğa, ul: «min Rusiädäge xällärne küzätep baram. 1991-1994 yıllarda bulğan waqiğalar çorında tuğan qıyınlıqlarnı Tatarstan respublikası tınıç yul belän xäl itä aldı», dide. Däwlät şurası räise Färit Möxämmätşin qunaqnı qabul itkändä, anıñ Ştatınıñ qanun çığaru cıyılışı turında bik küp sorawlar birde. Bill Owens, bezdä ike palatalı parlament, läkin miña, üzemä ber palatalası kübräk oşıy, çönki anıñ belän idärä itärgä ciñelräk, dide. Şunısı qızıqlı, Colorado gubernatorı, üzäk belän töbäk arasında tua torğan qarşılıqlarnı ğädäti küreneş dip atadı.