Qırğız mäxkämäse bügen Üzbäkstannıñ İslam Xäräkäte äğzası dip sanalğan Şerali Aqbotoevnı 25 yıl törmägä xökem itte. Ul şulay uq terorçılıq häm totıq alu ğämällärendä ğäyeplänä. Şerali, üzenä belderelgän qayber ğäyepläwlärne tanıdı. Üzbäkstannıñ İslam Xäräkäte dip atalğan, tıyılğan oyışma, Äl-Qaidä çeltäre belän bäyle dip sanala. Üzbäkstanda oyışqan bulsa da, anda Üzäk Aziäneñ törle illärennän äğzalar bar. 2000 yılda Amerikanıñ 4 tawğa menüçese Könyaq Qırğızıstanda totıq itep alınğannan soñ, Quşma Ştatlar Üzbäkstannıñ İslam Xäräkäten terorçı oyışmalar isemlegenä kertkän ide.
