Tatarstan xalqınıñ iğtibar üzägendä – käräzle elemtä kompaniäläre arasındağı nizaq tora. TAİF-Telkom kompaniäse Tatarstanda mobil çeltären üsterüçe kompaniälärneñ berençese buldı. Soñraq respublikağa başqa kompaniälär dä ütep kerde häm TAİF belän köndäşlek şartlarına eşli başladı. Bu köräş niçek bara, kem zıyan kürä, kem bayıy?
Вечерняя Казань gäziteneñ sişämbe sanında TAİF-Telkomnıñ köndäşlär belän elemtäne özüe xaqında mäqälä basılıp çıqtı. Yäğni ber kompaniäneñ telefonına başqa ber kompaniäneñ telefonınnan şaltıratıp bulmıy. TAİF-Telkom çeltärenä VımpelKom, SMARTS, MegaFon kompaniäläreneñ üz çeltärenä totaşu mömkinlegen kiste. TAİF bu adımın «köndäşlär äzergä-bäzer bulıp kilep utırdı, çeltärlärne üsterü, anıñ mömkinlegen kiñäytü öçen tülärgä telämi» digän mantiqtan çığıp añlata. VımpelKom citäkçese isä «telefon totuçılar şähär çeltärläre aşa elemtägä kerä» dip añlata häm alar anıñ öçen $1 million çığarıp birgän inde. TAİF törkemenä kergän «İntelset» kompaniäsendä dä şul uq xäl. Bu şirkät fatirlarğa şähär telefonın ütkärü belän şöğellänä. «İntelset» telefonınnan da «yat» kompaniälärneñ käräzle telefonnarına çığıp bulmıy. Şulay itep elemtäçelär arasında nizaq däwam itä, ä zıyannı kompaniälär üzläre häm ğadi qullanuçılar kürä.
Tatarstan yäşläre gäzite Ğıraq suğışına qarşı çığış yasıy. Gäziteneñ «Kem terrorçı?» digän yazmasında bolay dielgän:
Elegräk bez: «Okean artı doşmannarı işetsen-belsen barın, bar dönya qarşı suğışqa, buldırmabız bez anı!»- dip cırlıy idek. Bügen AQŞnıñ Ğıraqqa suğış başlarğa cienuına da dönya cämäğätçelege änä şulay dip cawap birä... Suğışqa qarşı mondıy köçle uram ciennarı inde 30 yıldan birle küzätelmägän... Şulay itep, dilär belgeçlär, üzen qızğandırudan (11 sintäber waqiğaları) häm terrorçılıqqa qarşı köräş äläme bolğawdan başlanğan suğış isteriäse AQŞnıñ üzenä bumerang bulıp äylänep qayta: dönya xalqı suğışqa qarşı. Ägär Buş suğış başlıy ikän, ul üze 1-nçe nomerlı terrorçığa äylänäçäk».
Время и деньги gäzite sul uq ruxta çığış yasıy. Suğışqa qarşı uram ciennarı elekke zamannarnı xäterlätä, dip yaza baş möxärrir Yuri Alayev:
«Vietnamğa timägez», «Anjela Dawisnı azat itegez» digän şiğärlärne partia quşuınça şirkätlär, yuğarı uqu yortlarınıñ cielışlarında kütärep tora idek. Ul waqıtta, çäy bülmälärendä cielıp, sistemanıñ niqädär yalğan häm yasalma buluına açı ağızdıq. Azatlıq cilläre isä başlağaç, xällär üzgärer ide şikelle. İrekleklär birelde – närsä üzgärde soñ?.. Ä keşelärgä xäzer barıber, alar xällärneñ üzgärüenä ışanmıy...»,- dip yaza avtor häm däwam itä:
«Dağstannan qala Rusiädäge ber genä möselman oyışması da suğışqa qarşı qarşılıq beldermäde... Bez hamanda Yevropa da, Amerika da, Azida da tügel, bez – Aziopa. Elek Kommunistlar firqäse quşuı belän mitinglarğa çığa idek, ä mäcbüriät beterelgäç, fiker belderüneñ kiräk bulmawı açıqlandı. Putin yaqlı «Edinaya Rossia» da, oppozitsiä dip sanalğan «SPS» yäki «Yabloko»da xalıq fikeren belderüçe häm anı oyıştıruçı rolen başqaruğa alınmadı. Çın mäğnäsendä xalıq fikeren, çönki axmaqlar ğına, öy aldındağı orış alarğa qağılmıy kitär, dip uylıy ala.»
Bikä Timerova, Qazan
Вечерняя Казань gäziteneñ sişämbe sanında TAİF-Telkomnıñ köndäşlär belän elemtäne özüe xaqında mäqälä basılıp çıqtı. Yäğni ber kompaniäneñ telefonına başqa ber kompaniäneñ telefonınnan şaltıratıp bulmıy. TAİF-Telkom çeltärenä VımpelKom, SMARTS, MegaFon kompaniäläreneñ üz çeltärenä totaşu mömkinlegen kiste. TAİF bu adımın «köndäşlär äzergä-bäzer bulıp kilep utırdı, çeltärlärne üsterü, anıñ mömkinlegen kiñäytü öçen tülärgä telämi» digän mantiqtan çığıp añlata. VımpelKom citäkçese isä «telefon totuçılar şähär çeltärläre aşa elemtägä kerä» dip añlata häm alar anıñ öçen $1 million çığarıp birgän inde. TAİF törkemenä kergän «İntelset» kompaniäsendä dä şul uq xäl. Bu şirkät fatirlarğa şähär telefonın ütkärü belän şöğellänä. «İntelset» telefonınnan da «yat» kompaniälärneñ käräzle telefonnarına çığıp bulmıy. Şulay itep elemtäçelär arasında nizaq däwam itä, ä zıyannı kompaniälär üzläre häm ğadi qullanuçılar kürä.
Tatarstan yäşläre gäzite Ğıraq suğışına qarşı çığış yasıy. Gäziteneñ «Kem terrorçı?» digän yazmasında bolay dielgän:
Elegräk bez: «Okean artı doşmannarı işetsen-belsen barın, bar dönya qarşı suğışqa, buldırmabız bez anı!»- dip cırlıy idek. Bügen AQŞnıñ Ğıraqqa suğış başlarğa cienuına da dönya cämäğätçelege änä şulay dip cawap birä... Suğışqa qarşı mondıy köçle uram ciennarı inde 30 yıldan birle küzätelmägän... Şulay itep, dilär belgeçlär, üzen qızğandırudan (11 sintäber waqiğaları) häm terrorçılıqqa qarşı köräş äläme bolğawdan başlanğan suğış isteriäse AQŞnıñ üzenä bumerang bulıp äylänep qayta: dönya xalqı suğışqa qarşı. Ägär Buş suğış başlıy ikän, ul üze 1-nçe nomerlı terrorçığa äylänäçäk».
Время и деньги gäzite sul uq ruxta çığış yasıy. Suğışqa qarşı uram ciennarı elekke zamannarnı xäterlätä, dip yaza baş möxärrir Yuri Alayev:
«Vietnamğa timägez», «Anjela Dawisnı azat itegez» digän şiğärlärne partia quşuınça şirkätlär, yuğarı uqu yortlarınıñ cielışlarında kütärep tora idek. Ul waqıtta, çäy bülmälärendä cielıp, sistemanıñ niqädär yalğan häm yasalma buluına açı ağızdıq. Azatlıq cilläre isä başlağaç, xällär üzgärer ide şikelle. İrekleklär birelde – närsä üzgärde soñ?.. Ä keşelärgä xäzer barıber, alar xällärneñ üzgärüenä ışanmıy...»,- dip yaza avtor häm däwam itä:
«Dağstannan qala Rusiädäge ber genä möselman oyışması da suğışqa qarşı qarşılıq beldermäde... Bez hamanda Yevropa da, Amerika da, Azida da tügel, bez – Aziopa. Elek Kommunistlar firqäse quşuı belän mitinglarğa çığa idek, ä mäcbüriät beterelgäç, fiker belderüneñ kiräk bulmawı açıqlandı. Putin yaqlı «Edinaya Rossia» da, oppozitsiä dip sanalğan «SPS» yäki «Yabloko»da xalıq fikeren belderüçe häm anı oyıştıruçı rolen başqaruğa alınmadı. Çın mäğnäsendä xalıq fikeren, çönki axmaqlar ğına, öy aldındağı orış alarğa qağılmıy kitär, dip uylıy ala.»
Bikä Timerova, Qazan