Xäyer, kiläçäk berniçä köndä xalıqnı başqa närsälär kübräk qızıqsındıraçaq. Tatarstan bar Rusiä belän bergä 8 mart -- Xalıqara xatın-qızlar könen bäyräm itärgä cıyına. Bäyrämneñ isemendä xalıqara dip äytelsä dä, bu bäyräm nigezdä Rusiädä häm başqa BDB illärendä genä ütkärelä. Şuña da qaramastan, rusiälelär anı bik yaratıp, zurlap bäyräm itälär. Bu yulı äle citmäsä 8 mart köne şimbägä turı kilü säbäple düşämbe 10 mart ta yal köne itep iğlan itelde. Şulay itep, bıyıl bäyräm tağın da ozınraq bulaçaq. Läkin yal könnäreneñ citüen dä kötep tormıyça, xatın-qızlarnı yaznıñ berençe häm iñ matur bäyräme belän qotlawlar başlanıp ta kitte. Respublikada bu qotlawlarnı berençe bulıp Tatarstan prezidentı Mintimer Şäymiev başlap cibärde. İnde xäbär itkänebezçä, 5 mart könne ul Piramidada cıyılğan xatın-qızlar arqılı respublikanıñ barlıq güzäl zatlarına üzeneñ häm Tatarstan citäkçelegeneñ qotlawların häm teläklären citkerde.
8 mart bäyrämen xatın-qızlar ğına tügel, säwdägärlär dä zur tüzemsezlek belän kötep alalar. Çönki bu könnärdä alarnıñ satularınıñ küläme bermä-ber üsä. Şuña kürä, alar da bäyrämgä aldan uq äzerlek kürälär. Mäsälän, respublikanıñ üzendä genä dä bäyrämnärgä 20 meñ qänäfer, 12 meñ roza çäçäge, 10 meñ lälä göle, 25 meñ xrizantema üsterep äzerlänep quyılğan. Ber çäçäkneñ bäyäse törenä qarap 25 sumnan 150 sumğa citä. Şuña östäp äle çittän alıp qaytılğan çäçäklärneñ sanı da bixisap. Läkin alarnıñ bäyäläre üzebezdä üskän çäçäklärgä qarağanda bolay da qıybatraq ide. Xäzer isä alar tağın da üsäçäk. Çäçäk bäyäläre genä tügel, matur tabın qorırğa kiräkle sıy-xörmät tä bäyräm aldınnan qıybatlandı. Läkin xalıq qıybat dip tormıy. Ällä bäyräm itärgä, ällä xatın-qızlarnı bik yaratqanğa, Qazannıñ kibet-bazarlarında xalıq ığı-zığı kilä, çiratta tora, üz kesäseneñ mömkinçeleklärennän häm zäwığına çığıp büläklär saylıy.
Gölnaz İlgizär, Qazan
8 mart bäyrämen xatın-qızlar ğına tügel, säwdägärlär dä zur tüzemsezlek belän kötep alalar. Çönki bu könnärdä alarnıñ satularınıñ küläme bermä-ber üsä. Şuña kürä, alar da bäyrämgä aldan uq äzerlek kürälär. Mäsälän, respublikanıñ üzendä genä dä bäyrämnärgä 20 meñ qänäfer, 12 meñ roza çäçäge, 10 meñ lälä göle, 25 meñ xrizantema üsterep äzerlänep quyılğan. Ber çäçäkneñ bäyäse törenä qarap 25 sumnan 150 sumğa citä. Şuña östäp äle çittän alıp qaytılğan çäçäklärneñ sanı da bixisap. Läkin alarnıñ bäyäläre üzebezdä üskän çäçäklärgä qarağanda bolay da qıybatraq ide. Xäzer isä alar tağın da üsäçäk. Çäçäk bäyäläre genä tügel, matur tabın qorırğa kiräkle sıy-xörmät tä bäyräm aldınnan qıybatlandı. Läkin xalıq qıybat dip tormıy. Ällä bäyräm itärgä, ällä xatın-qızlarnı bik yaratqanğa, Qazannıñ kibet-bazarlarında xalıq ığı-zığı kilä, çiratta tora, üz kesäseneñ mömkinçeleklärennän häm zäwığına çığıp büläklär saylıy.
Gölnaz İlgizär, Qazan