Manila. Filippin qorallı köçläre, ilneñ üzägendäge Bohol wilayätendä kommunist ğisyançılar belän bäreleşlär buluwın häm anda 4 xökümät ğäskärieneñ hälak buluwın, tağın ikeseneñ yaralanuwın xäbär itte. Başqala Maniladan 600 çaqrım könyaq-könçığışta yatqan Mabini şähärendä ğisyançılar Filippin xärbiläre utırğan maşinağa ut açqan, alarnıñ cawap utı näticäsendä höcüm itüçelärneñ dä berse üterelgän. Filippindağı kommunist köçlär ilneñ üzäk xökümätenä qarşı inde uzğan ğasırnıñ 60-nçı yıllar azağınnan birle qorallı köräş alıp bara.
