Germaniä, Qıtay, Paqstan inde Bağdadtağı ilçeleklären yaptı. Russiä dä üz watandaşlarına Ğiraqtan kitärgä kiñäş itte.
BMO äytüençä, Ğiraq-Küwäyt çigendäge BMO küzätüçeläre Ğiraqta AQŞ höcümnäre kötelü säbäple xärbi bulmağan zonağa çığarılğan.
Xalıqara Atom Energetikası Agentlığı başlığı Möxämmät äl-Baraday AQŞ bezgä barlıq qoral tikşerüçelärebezne Ğiraqtan çığarırğa kiñäş itte dide.
Äl-Baraday äytüençä, ul qarar qabul itär aldınnan BMO räsmiläre belän kiñäşülär ütkärä.
Quşma Ştatlar üzeneñ Küwäyt, İzrail häm Süriädäge qayber diplomatlarına ul illärdän kitärgä quştı. Britaniä dä şundıy uq çaralar kürä.
Ğiraqnıñ tönyağında yäşäwçe kördlärneñ suğıştan qurqıp iminräk urınnarğa kitüe turında xäbär itelä.
