Britaniä Saqlanu ministrı Geoff Hoon, Ğiraq citäkçese Säddäm Xösäingä kiçä bulğan höcümnär waqıtında ziyan kilgän buluı äle mäğlüm tügel, dide. Britaniä televideniäsenä Hoon Säddäm Xösäinneñ xalıq aldında Ğiraq televideniäsendä yasağan çığışı xäzer centekläp öyränelä, dip belderde. Läkin Amerikan küzläw idaräse belgeçläre , televideniädä çığış yasağan-çın Säddäm Xösäin, aña oxşaş keşe tügel ide, dip xäbär itte.
Ğiraq mäğlümat ministrı Mohammäd Saeed al-Sahhaf bügen matbuğat oçraşuında Amerikan hawa köçläre Säddäm ğailäse saraylarınıñ bersenä höcüm itte, dip belderde. Sarayğa ziyan bulğan, läkin Ğiraq citäkçese häm anıñ ğailäse isän-saw.
