Äfğanstannıñ tönyaqkönbatışında xökümät köçläre häm Taliban yaqlı qorallanğan törkemlär arasındağı qatı bäreleşlärdä kimendä 7 keşe häläk bulğan dip xäbär itelä. Gağdis provinsiäseneñ başlığı Gül Mohammäd Arifi, bäreleşlär, provinsiädäge xökümät binasına 100dän alıp 150gä qadär Taliban suğışçısı höcüm itkäç başlandı, dip xäbär itte. Aldanraq Afğan İslam matbuğat agentlığınıñ höcüm paştunnarğa qarşı bulğan ide digän xäbären Arifi kire qaqtı.
Äfğanstanda barğan maxsus operatsiä waqıtında amerikan ğaskärläre 4 keşene qulğa alğan. Xärbilärneñ matbuğat wäkile kapitan Alayne Cramer, Kandahar şähäre yanında bu maxsus çaranı amerikan häm Rumıniä xärbiläre alıp bara, dip belderde. 10 awılda bulğan tikşerülär näticäsendä Kandahardan 140 çaqrım yıraqlıqtağı tawlı Sami Gar rayonında AK-47 mıltıqları, qul granataları häm cir minaları tabılğan. Quşma Ştatlar xärbiläre citäkçelegendäge bu maxsus operatsiä Äfğanstanda uzğan atnanıñ pänceşämbesendä başlanğan ide.
