Britaniä premyer-ministrı Tony Blair, Berläşkän Millätlär Oyışması bügen yä irtägä Ğiraqqa neftkä –azıq-tölek programmasın yañadan ğamälgä kertü turında qarar qabul itä ala, dip belderde. Kiçä Oyışmanıñ General sekretare Kofi Annan belän oçraşqaç bu xaqta Blair BBC kanalına äytte.
Programma Ğiraq xalqınıñ 60%tın aşamlıqlar belän tä’min itä ide, anı Ğiraqqa qarşı suğış başlanır aldınnan tuqtattılar. İminlek Şurası kiçä rezolyutsiäneñ ölgesen äzerläde, aña kürä Ğiraqqa neftkä-azıq-tölek programmasın Kofi Annan üz kontrolendä totaçaq. Ğiraqqa humanitar yardäm mäs’äläsendä İminlek Şurası bügen kiç cıyıla.
