AQŞ xärbiläre İran opozitsiä törkeme belän qarşılıqlarnı beterü öçen söyläşülär başladı.AQŞ ğäskäriläre könçığış Ğıraqta Xalq Mucahedläre törkemenä qoralların taşlarğa quşqan.AQŞ 4nçe cäyevle divizisiäse komandire General mayor Ray Odierno belän mucahedlär arasındağı söyläşülär inde ike kön bara. Bugen köndezgä qädär alarnıñ birelüe turında konkret xabär bulmadı.AQŞ ultimatumı ,İranda urnaşqan Saddamğa qarşı Badr Brigadasına turılıqlı suğışçılarnıñ Mucahedlär bazasına ütep kerüläre turındağı xabärlär belän ber ük waqıtqa turı kilde. AQŞ berbersenä qarşı ike törkem arasında qorallı bäreleşlär başlanır dip qurqa.Xalq mucahedläre Saddam rejimı yaqlauı belän İran xakimiätenä qarşı suğıştı.
