Tatarstan Däwlät şurasınıñ prezidumı yağındağı sessiäneñ kön tärtibennän bu mäsäläne töşerep qaldırdı. Parlamentnıñ Konstitutsion mäxkämägä möräcäğäte aldan planğa kerelgän bulsa da, äzerlänep betep, çiratın kötep yatsa da, bu mäsäläne közgä qädär kiçekterergä buldılar. Bu xaqta düşämbe könne prezidium utırışında bilgele buldı. Parlament räise Färit Möxämmätşin äytüenä qarağanda, kiçekterü turında anı Rusiä Konstitutsiä mäxkämäse citäkçese Valeriy Zorkin sorağan bulğan. Rusiä konstitutsiä mäxkämäseneñ eşe bik küp, Tatarstan parlamentı 2002 yılnıñ közendä cibärgän möräcäğätne mäxkämä ütkän ayda ğına qararğa waqıt tapqan, Tatarstannıñ tağın ber möräcäğätenä çirat haman da citmägän ikän.
Şundıy tizlek belän eşläsä, Konstitutsion mäxkämädä latin mäsäläsenä dä yartı yılsız çirat citmäs dip, deputatlar bu mäsäläne közgä qaldırırğa buldı.
Şundıy tizlek belän eşläsä, Konstitutsion mäxkämädä latin mäsäläsenä dä yartı yılsız çirat citmäs dip, deputatlar bu mäsäläne közgä qaldırırğa buldı.