İsemnäre äytelmägän Amerikan yuğarı räsmiläre AQŞ citäkçelegendäge törkem waqıtlı şurağa 25-30-lap keşe bilgeläp quyarğa mömkin dip äytte dip xäbär itä Könbatıştağı kiñküläm mäğlümät çaraları.
Waqıtlı Şura AQŞ citäkçelgendäge administratsiägä Ğiraqnı idarä itärgä bulışaçaq dielä.
Xäbärlärgä qarağanda, Ğiraqtağı säyäsi häm dini törkemnär belän kiñäşläşülärdän soñ ul şura aldağı 6 atna eçendä oyıştırılırğa mömkin.
Ber ük waqıtta referendumğa çığaru öçen ilneñ yaña konstitutsiäsen äzerläw eşe dä başlana.
Ber räsmi Washington Post gazetına Ğiraqnı tözekländerüdä bik küp häm qatlawlı eşlär buluı ilküläm konferensiä planınnan bilgelänep quyuçı şura niätenä küçärgä mäcbür itä digän.
