Britan premier-ministrı Tony Blair Tönyaq Koreanıñ atom programması tiräsendä tuğan wazğiätne, zur saqlıq häm söyläşülär belän xäl itergä çaqırdı. Bu turıda ul bügen Seulda, Könyaq Korea prezidentı Ro Mu-xen belän bulğan söyläşülärdän soñ äytte. Blair süzlärençä, bu mäsäläne çişü öçen iñ döres yul – Yaponiä häm Könyaq Korea qatnaşında küp yaqlı söyläşülär ütkärü. Ägär Pxenyan atom programmasınnan baş tartsa, xalıqara cämägätçelek aña yaña tör däwlät tözergä yärdäm itäçäk, dide ul.
