Bu xaqta Mäskäwdä qısqa möddätle säfärdä bulğan İtaliä premyer ministrı Silvio Berluskoni belderde.
Kreml'dä Rusiä prezidentı belän söyläşülär ütkärgän Berluskoni, xäzerge waqıtta Yewropa berlegendä räislek itüçe İtaliä, Rusiäneñ Yewropa berlege belän yaqınlaşuına östenlek biräçäk dip bilgeläp ütte. Üz çiratında Vladimir Putin, Rusiäneñ İtaliä belän xezmättäşlege ayırım xoquqlı töstä bara, häm ul, böten Yewropa belän bäyläneşlär tözüdä, ürnäk bula alır ide dip belderde.
