Tanılğan amerika bokserı, elekke dönya çempionı Maik Tayson üzen bankrot dip tanıdı. 37 yäşlek Tayson Amerikanıñ bankrotlıqnı tikşerä torğan mäxkämäsenä, burıçların tülärgä xäle citmägän keşe bularaq tanıtır öçen, ğariza birgän. Bu xäl Tayson mäxkämä aşa üzen bankrotlıqtan yaqlatırğa niätläwen belderä. Tayson ğarizasında finans kiñäşçeläreneñ yalğışları häm üzeneñ kontrolsez aqça totuı näticäsendä 300 million dollar aqçanı tuzdırıuın tanıy. Monnan başqa bokser üzeneñ elekke ağentı Don Kingnı aldawda gäyepli, anıñ näticäsendä 100 million dollar yuğaltqanın belderä. Xäzer Taysonnıñ burıçları keremenä qarağanda berniçä märtäbä artqan.
