Bügen Izrail 73 fälestin totığın azat itte. İzrail monı Fälestinlelär belän "solıx yulı" kileşüen ğämälgä quyu öçen izge niät adımı dip kürsätte.
Ämma Fälestin räsmiläre häm suğışçıları bu keşelär bolay da tizdän irekkä çığaçaq, keçkenä cinayät qılğan keşelär dip İzrailneñ bu adımın xuplamadı.
Bügen azar itelgännär arasında ber genä fälestin suğışçısı da yuq. Hamas suğışçan törkeme citäkçese Abdel Aziz äl-Rantissi bu naçar niät adımı buldı dide. İzrail totqınlıqlağı meñnärçä fälestinleneñ barısın da azat itärgä tieş dide Rantissi.
İzrailneñ totqınnarnı irekkä çığaruı baştaraq sişämbegä bilgelängän ide. Ämma ike intixar terror höcümennän soñ premyer-ministr Ariel Şaron alarnı törmädän çığarırğa aşıqmasqa quştı.
