Ayanıç ki, xärbi operatsiälär tämamlanu belän genä, tege yä bu töbäktä bulğan problemalar, etnik-ara konfliktlar yuqqa çıqmıy.. Monıñ tağın ber misalı – Kosovo. NATO operatsiäse betep, bu töbäktä Berläşkän Millätlär idaräse urnaşuğa inde 4 yıl buluğa qaramastan, anda köç qullanu, qan qoyular äle dä tuqtalmıy. Düşämbedä Serbiä vitse-premierı Neboyşa Çoviç, BMOnıñ İminlek Şurasında çığış yasap, Kosovoda tınıçlıq saqlaw köçlären citdi çaralar kürergä çaqırdı.
Düşämbedä İminlek Şurasında çığış yasap, Serbiä vitse-premierı Neboyşa Çoviç, Kosovoda tınıçlıq saqlawçı xalıqara köçlärne citärlek çara kürmäwdä, töbäktäge etnik-ara bäreleşlärne tuqtata almawda ğäyepläde. Misal itep ul uzğan atna bulğan ülem oçraqların kiterde. Bilgesez keşelär su qoyınıp yatqan serb üsmerlärenä ut açqan, näticädä ikese ülgän. Balıq totıp yatqan ber yegetkä atqannar, ul alğan yaralardan xastaxanädä ülgän. Çoviç monı Alban extremistları eşe dip atadı, häm KFOR köçlären bu terror ğämällärenä qarşı tora almawda ğäyepläde:
Audio: "Xalıqara cämägätçelekkä artqa äylänep qarap, näticä yasarğa waqıt citte. Alban ekstremistları häm terorçılar bar töbäkkä qurqınıç tudıra, monı açıqtan-açıq äytergä kiräk."
Çoviç berniçä çara täqdim itte, şul isäptän: Kosovo xalqın tulısınça qoralsızlandıru, cinäyätçelär turında söylärgä äzer bulğan şahitlärgä iminlek tä''min itü, Kosovo häm bar töbäktäge iminlek köçläre arasında tığızraq xezmättäşlek buldıru.
İminlek Şurası äğzaları Kosovodağı soñğı etnik-ara çualışlarğa tänqit belderde, Priştina häm Belgrad räsmilären küp-millätle Kosovo cämğiäte tözüdä ikelätä xezmättäşlek itergä öndäde.
Britan ilçese Emyr Jones Parry, Çoviç tänqitenä turıdan-turı cawap birgän berdänber keşe bulğandır. Xalıqara cämäğätçelek berni eşlämi, digän tänqitne kire qağıp, Parry, soñğı xällär, ayırım ekstremizm oçaqları ğına bulıp tora, cirle citäkçelär Kosovo cämğiäteneñ büleneşenä yul quymasqa tieş, dide:
Audio: "Cawaplı urın alıp torğan keşelär, üz süzlären söylägändä wazğiätneñ citdilegenä turı kiterep söylärgä tieş."
BMO idaräse, Kosovoda töp demokratik standartlar urnaşmıy torıp, töbäkneñ räsmi status mäsäläsen kütärergä irtä dip saıny. İminlek Şurası äğzalarınıñ kübese bu qaraşqa xuplaw belderde. Germaniä ilçese urınbasarı Wolfgang Trautwein, alban häm serb citäkçelären, küzgä-küz söyläşep, texnik mäsälälärne xäl itergä çaqırdı:
Audio: "Xäzerge wazğiät häm Serbiäneñ yaña konstitutsiäse tiräsendä bäxäslär, Kosovo säyäsmännärenä cawaplılıqtan kitü öçen säbäp bulmasqa tieş."
Serbiäneñ yaña konstitutsiä ölgesendä "Kosovo – Serbiäneñ ber öleşe" dip yazılğan. Kosovo premier-ministrı Bäyräm Räcäpi monı provakatsiä dip atadı. Räcäpineñ bu süzlären, Coviç, qayber Kosovo citäkçeläreneñ Serbiä belän söyläşergä telämäwenä ber dälil dip atadı.
Soñğı xäbärlärgä qarağanda, bügen Kosovonıñ Slatina şähärendä BMO politsiäse xezmätkären üterüdä ğäyeplängän ber serb keşese qulğa alınğan. Serbiäneñ Lukane şähärendä albannar yäşägän yortqa granata taşlanğan, ber keşe yaralanğan, dip xäbär itelä.
Ali Gilmi, Praga
Audio: "Xalıqara cämägätçelekkä artqa äylänep qarap, näticä yasarğa waqıt citte. Alban ekstremistları häm terorçılar bar töbäkkä qurqınıç tudıra, monı açıqtan-açıq äytergä kiräk."
Çoviç berniçä çara täqdim itte, şul isäptän: Kosovo xalqın tulısınça qoralsızlandıru, cinäyätçelär turında söylärgä äzer bulğan şahitlärgä iminlek tä''min itü, Kosovo häm bar töbäktäge iminlek köçläre arasında tığızraq xezmättäşlek buldıru.
İminlek Şurası äğzaları Kosovodağı soñğı etnik-ara çualışlarğa tänqit belderde, Priştina häm Belgrad räsmilären küp-millätle Kosovo cämğiäte tözüdä ikelätä xezmättäşlek itergä öndäde.
Britan ilçese Emyr Jones Parry, Çoviç tänqitenä turıdan-turı cawap birgän berdänber keşe bulğandır. Xalıqara cämäğätçelek berni eşlämi, digän tänqitne kire qağıp, Parry, soñğı xällär, ayırım ekstremizm oçaqları ğına bulıp tora, cirle citäkçelär Kosovo cämğiäteneñ büleneşenä yul quymasqa tieş, dide:
Audio: "Cawaplı urın alıp torğan keşelär, üz süzlären söylägändä wazğiätneñ citdilegenä turı kiterep söylärgä tieş."
BMO idaräse, Kosovoda töp demokratik standartlar urnaşmıy torıp, töbäkneñ räsmi status mäsäläsen kütärergä irtä dip saıny. İminlek Şurası äğzalarınıñ kübese bu qaraşqa xuplaw belderde. Germaniä ilçese urınbasarı Wolfgang Trautwein, alban häm serb citäkçelären, küzgä-küz söyläşep, texnik mäsälälärne xäl itergä çaqırdı:
Audio: "Xäzerge wazğiät häm Serbiäneñ yaña konstitutsiäse tiräsendä bäxäslär, Kosovo säyäsmännärenä cawaplılıqtan kitü öçen säbäp bulmasqa tieş."
Serbiäneñ yaña konstitutsiä ölgesendä "Kosovo – Serbiäneñ ber öleşe" dip yazılğan. Kosovo premier-ministrı Bäyräm Räcäpi monı provakatsiä dip atadı. Räcäpineñ bu süzlären, Coviç, qayber Kosovo citäkçeläreneñ Serbiä belän söyläşergä telämäwenä ber dälil dip atadı.
Soñğı xäbärlärgä qarağanda, bügen Kosovonıñ Slatina şähärendä BMO politsiäse xezmätkären üterüdä ğäyeplängän ber serb keşese qulğa alınğan. Serbiäneñ Lukane şähärendä albannar yäşägän yortqa granata taşlanğan, ber keşe yaralanğan, dip xäbär itelä.
Ali Gilmi, Praga