Paris. Fransiäneñ mäğärif ministrı Luc Ferry süzlärenä qarağanda, ul kiläse yıl başında parlamentqa, mäktäplärdä "qıçqırıp" torğan dini simvollar tağıp yörüne tıyaçaq qanun ölgesen yullayaçaq. Monı üzeneñ kiçä Fransiä watandaşlarına yasağan maxsus belderüwendä prezident Jacques Chirac ta yaqlap çıqqan ide. Ferry, qanun bik qısqa häm ğadi bulaçaq dip belderde. Ministr anı ğämälgä kiläse uqu yılı başlanu belän kertergä teläwen äytte. Elegräk maxsus komissiä Fransiä prezidentına, mäktäplärdä zur xristian tärelären tağıp yörüne, başnı yawlıqlar belän qaplawnı häm yähüd käpäçlären kiyüne tulısınça tıyunı täqdim itkän ide. Fransiädä çirkäw däwlättän 1905-nçe yıldan birle ayırılğan xäldä.
