Универсиада көндәлеге

Универсиада паркында бүген "Кызыл тасма көне" үткәрелә. Ул AIDS/СПИД авыруына каршы көрәшкә багышлана #kazan2013

— guilfanr (@guilfanr) July 10, 2013

Русия Олимпия комитетының генераль секретаре, Татарстанның элекке спорт һәм яшьләр эшләре министры Марат Бариев Азатлыкка Универсиадада Русия такымының уңышлы чыгыш ясавын берничә сәбәп белән аңлатты.

Кичә "Ак Барс" көрәш сараенда чын мәгънәсендә Татарстан көне булды, безнең күпләгән Сабантуй батырлары, Татарстанның төрле районнарында туып үскән милләттәшләребез: Нәфис Миңнебаев, Илдар Гыйниятуллин, Илнар Галиев, Илнур Мортазин, Ренат Әхмәтшин үз авырлыкларында көндәшләренә бернинди мөмкинлек калдырмыйча алтын медальләргә ия булдылар. Ә инде абсолют батыр булып калган Сембер спортчысы Сергей Павликны да күпмедер дәрәҗәдә Татарстан белән бәйләп була, чөнки ул беренче җиңүләрен һәм күнегүләрне дә бездә алган иде. Күп кенә ярышларда заллар ярым буш булган вакытта көрәш сараенда алма төшәр дә урын юк иде. Русия спорт министры Мутко да азакка кадәр ярышларны карап бетерде. Минем янымда Беларус делегациясе җитәкчесе утыра иде, алардан 2 спортчы финалга чыкты һәм көмеш медальләр алды, менә шул ханымны гаҗәпкә калдырган әйбер - нигә көрәшнең шулай аз вакыт баруы булды. Чыннан да безнең егетләр 10–17 секунд эчендә чиста җиңүләргә ирештеләр, моны күпләр бәлкем көндәшләрнең тәҗрибәсезлеге белән аңлатырга тырышыр, әмма мин көрәш ул татарныкы шуңа күрә анда татарлар отарга тиеш дип саныйм.

-- Ренат Вәлиуллин

#kazan2013-да "Кызыл тасма көне" уңаеннан: Килгән спортчыларга алдан ук менә шундый пакет та биреп куйганнар pic.twitter.com/wQaqDzOx45

— guilfanr (@guilfanr) July 10, 2013

Бүген Казанда Универсиада кысаларында «Бер көн Кызыл тасма» белән дип аталган чаралар үтә. Сигез меңнән артык волонтер Универсиаданың бөтен корылмаларында да СПИДка каршы чараларда катнаша. Волонтерлар һәм спортчылар СПИДны булдырмау юллары турында язылган белешмә белән «коралланачак» һәм һәрберсендә дә кызыл төстәге тасма булачак. Кызыл тасма – СПИДка каршы көрәш символы. Бу чараның төп иҗади өлеше Универсиада паркында уза. Анда Юлия Ласкер, Тео (Беларустан Юра Ващук) һәм шулай ук Татарстан җырчысы Диләрә Ваһапова да чыгыш ясаячак. «Кызыл тасма» көне уңаеннан үткәрелгән матбугат очрашуында Диләрәгә әлеге кызыл төстәге тасма тапшырылды инде.

--Рәйсә Сафиуллаһ

#kazan2013 Оештыручы тамгасын таккан ике исерек кичә Салмачы янында юл казасына сәбәп булган. Алар машинасы каршыга чыга һәм башкага бәрелә.

— guilfanr (@guilfanr) July 10, 2013

Универсиаданы ачканда "олимпиада ачылышы" дип ычкындыра язган Путин тагын Казанга килә. Путин спорт ярышларының берсен караячак, диләр. Спорт министры Мутко Путинның кайсы ярышка барачагын әйтми. Халык арасында Путин дзюдо ярышларын күзәтәчәк һәм Сабантуйны караячак дигән сүзләр дә йөри. Путинның Сабантуйда башын катыкка тыгып акча эзләгәне бар иде инде. Тагын акча эзләргә килә микән? Медведев та Универсиада ябылышында катнашачак дигән хәбәрләр бар.

-- социаль челтәрләрдән

Казан Универсиадасында Русия такымы медальләр "уруын" дәвам итә. 10 июльдә Татарстан кызы Яна Мартынова йөзүдә Русиягә чираттагы алтын китерде. Җиңүчене Татарстанның элекке президенты Миңтимер Шәймиев бүләкләде.