Кырым низагы. Вакыйгалар дисбесе

РЕФЕРЕНДУМ АГИТАЦИЯСЕ КҮРЕНЕШЕ (ФОТО)--

Кырымның үзэшчән хакимияте агитация аша халыкны референдумда катнашырга гына түгел, ә ачыктан-ачык Русияне сайларга өнди.

ҖӘМИЛЕВ ШӘЙМИЕВ БЕЛӘН ОЧРАШУ ӨЧЕН МӘСКӘҮГӘ БАРА --
Кырымтатар Мәҗлесенең элекке рәисе, Украина Радасы депутаты Мостафа Җәмилев Татарстанның дәүләт киңәшчесе Миңтимер Шәймиев белән очрашу өчен Мәскәүгә бара. Җәмилевнең матбугат хезмәте хәбәр итүенчә, бу сәфәр Украина җитәкчелеге белән килештерелгән.

РУС ХӘРБИЛӘРЕ ПАРОМ АША КЫРЫМГА КЕРӘ (ВИДЕО)--

КерчФМ порталы Русия хәрби техникасының паром аша Кырымга керү видеосын чыгарды.

МИҢНЕХАНОВ ЯНӘ КЫРЫМДА--

Татарстан президенты Рөстәм Миңнеханов бүген Кырымга килде. Республика җитәкчесе автономиянең үзэшчән хакимиятенең чираттан тыш утырышында катнашты. Анда Кырымның бәйсезлек декларациясе кабул ителде. Шулай ук җирле парламент "кырымтатар халкының хокукларын торгызу һәм аны Кырым җәмгыятенә интеграцияләү" турында карар кабул итте.

ПУТИН ҖӘМИЛЕВНЕ МӘСКӘҮГӘ ЧАКЫРГАН--

Русия президенты Владимир Путин Кырымтатар мәҗлесенең элекке рәисе Мостафа Җәмилевне Мәскәүгә чакырган. Җәмилев әлегә Русиягә барачагын расламый.

АКУНИН: КЫРЫМНЫ КУШУ РУСИЯНЕ ИНКЫЙЛАБКА ЭТӘРӘ--

Танылган язучы Борис Акунин Кырымны Русиягә кушу шактый тискәре нәтиҗәләргә китерергә мөмкин, дип яза фейсбукта. Кызыклы фикерләр..

КЫРЫМ ПАРЛАМЕНТЫ КЫРЫМТАТАР ХАЛКЫНЫҢ ХОКУКЛАРЫН ТОРГЫЗУ ТУРЫНДА КАРАР КАБУЛ ИТТЕ

Кырым парламенты "кырымтатар халкының хокукларын торгызу һәм аны Кырым җәмгыятенә интеграцияләү" турында карар кабул итте. Документта кырымтатар теленә урыс һәм украин телләре белән бергә Кырымда рәсми тел статусын бирү каралган.

КЫРЫМ ПАРЛАМЕНТЫ БӘЙСЕЗЛЕК ТУРЫНДА ДЕКЛАРАЦИЯ КАБУЛ ИТТЕ

Кырым парламенты Кырым республикасының һәм Акъяр (Севастополь) шәһәренең бәйсезлеге турында декларация кабул итте.