14-15 ноябрьдә казанлылар Франция халкына теләктәшлек акциясен уздырды. Рәхматуллин урамында урнашкан Альянс Франсез мәдәният үзәге янына шәмнәр һәм чәчәкләр куелды.
Интернетта Батаклан театрыннан тамашачылар качу видеосы чыкты. Андагы хәлләрне Le Monde журналисты Дэниэл Псени төшереп алган. АКШның Eagles of Death Metal рок төркеме концертына килгән тамашачылар һөҗүм башлануга бинадан чыгып качарга тырыша.
Һөҗүмнәргә катнашы булуда шикләнелгән ике кеше Грециядә теркәлгән мигрантлар булган
Париж һөҗүмнәрен оештыручылар "элемтәдә торган өч төркемгә бүленеп эшләгән булырга мөмкин", дип белдерде Париж прокуроры Франсуа Молен. Террорчыларның Калашников автоматлары һәм бертөрле шартлаткычлары булган. Җиде террорчы юк ителде. Башта "сигез" дип хәбәр ителгән иде.
Парижга теләктәшлек
13 ноябрь җомга көнне Парижда алты урында булган террор гамәлләре өчен җаваплылыкны үз өстенә "Ислам дәүләте" оешмасы алды. "Интихар билбаулары кигән сигез сугышчы Франция башкаласындагы кеше иң күп җыелган урыннарга һөҗүм итте", диелгән белдерүдә. 128 кеше һәлак булды, 180ләп кеше яраланды.
Парижда террор гамәлләре булган урыннар харитасы