Израилдә тәравих намазы
АКШта иң күп сатылган китап
Балалар өчен танылган бу шәлкем авторларының берсе, 42 яшьлек Һена Хан рамазан ае алдыннан гына мөселман баласы һәм аның Джордж исемле маймыл дусты маҗаралары турында яңа китап чыгарды. Бүгенге көндә ул кибетләрдә иң күп сатылган китаплар арасында. Автор бу китап белән АКШтагы исламофобиягә каршы көрәшкә үз өлешен кертүенә ышана.
"Нишләдең төнлә?" - "Ашадым..."
Бүген эшкә килгәндә, "ни хәл?" дип сорыйлар. "Йокы килә", дим. "Нишләдең төнлә?" - "Ашадым..." Төн белән көн алыша, әлбәттә. Тик һавалар куандыра. Төп максат уразаны тиешле итеп башкару бит.
Кичә авыз ачарга дус кызым Зиләгә бардым. Элек бер мәктәптә эшләгән идек. Ул да качты, мин дә... Бигрәк уңган хуҗабикә үзе. Һәр нәрсәне җай белән, тәмләп эшли: чәнечке үз урынында, кашык – үзенекендә, дөге белән тавык зәвыкъле итеп бизәлгән, татлы махсус алтын “подложкага куелган”... Үземне ресторанда ашаган кебек хис иттем. Яхшы гына дәвам итә ураза.
Эльза Нәбиуллина, Казан
Төркиядә ифтар машиналары йөри
Авыру һәм өйләреннән чыга алмаган кешеләр өчен ифтарларга ризык китерелә. Моны район хакимиятләре оештыра.
Истанбулның Таксим мәйданында һәр кичне зур ифтар мәҗлесләре үтә
Татарстан мөфтиенең бу айга планнары
"Мин Коръән укыйм" флешмобы бара
Быел Рамазан аена багышлап, “Хозур” нәшрият йорты "Мин Коръән укыйм" дигән флешмоб оештыра. Чарада катнашу өчен Коръән сүрәләрен укуны видеога төшереп "ВКонтакте" яки Instagram социаль челтәрләрендә #хозурминкоръәнукыйм - #хузурячитаюкоран хештегы белән урнаштыру кирәк. Әлеге чара белән нәшрият йорты Рамазан аенда Коръән уку зарурлыгын искә төшерә. Флешмоб 7 июльгә кадәр дәвам итәчәк.
Рамазан - акча эшләү ае
Мөселманнар яшәгән илләрдә кибетләр бу айда кайбер тауарларга бәяне төшергән булып күбрәк сатып алучыны җәлеп итәргә тырыша. "Рамазан ае бәяләре" дигән тәкъдимнәр Британиядә, Франциядә һәм Германиядә күп. Катар һәм Согуд Гарәбстан кебек мөселман илләрендә машиналар һәм кыйбатлы әйберләрне дә ташлама белән саталар.