Миңнеханов сүзчесе: "Президент Ермак, Казаков хәбәрләрен белә"
5 июль Татар яшьләре форумының "PR һәм журналистика" секциясенә Татарстан президенты сүзчесе Эдуард Хәйруллин килде. Азатлык хәбәрчесе аннан Казандагы паркларда агачлар киселүен, Себердә Ермакка һәйкәл куюны, Шамил Казаковның полициягә эшкә урнаша алмавын Рөстәм Миннеханов беләме дип кызыксынды. Президент барысын да белә диде Хәйруллин.
"Калеб" кичәсе
Татар мәсьәләләре турында фикерләшүләр тәмам. Яшьләр тамакларын туйдырды, хәзер вакыт күңел ризыгына җитте. Яшьләр өчен "Калеб" кичәсе оештырылды, алар җырчы Алинә Шәрипҗанова белән композитор Эльмир Низамовның җырларына кушылып җырлый, алкышлый.
Бу көннәрдә яшьләрнең социаль челтәрләре мондый фотолар белән тулы.
Гомум утырышы президентсыз, президиумсыз үтте
5 июль Казанның "Корстон" күңел ачу үзәгендә форумның икенче көне гомум утырыш белән башланды. Татарстан президенты көтелсә дә, Дәүләт шурасы рәисе Фәрит Мөхәммәтшин гына катнашты, башка зур түрә, министлар күренмәде. Быел беренче тапкыр форум президиумсыз гына узды.
Татар теле һәм интернет секциясендә катнашучылар алдынгы интернет-проект тәҗрибәләре белән танышты
Форумда катнашучылар 5 августта татар теле һәм интернет темасына да фикер алышты. Алар алдында "Әлбәттә", "Гыйлем", "Максат", "Панорам яңгыраш" интернет проекты җитәкчеләре үз тәҗрибәләре белән уртаклашып, татар яшьләрен кызыксындырган сорауларга җавап бирде.
Форум эшенең өченче көне дәвам итә. Бүген кичәге секцияләргә йомгак ясап, күмәк проектлар секциясе узачак, анда делегатлар төркемнәрдә үзләре милләт файдасына проектлар уйлап табарга тиеш булачак. Төшке аштан соң пленар утырышның дәвамы көтелә, анда Бөтендөнья татар яшьләре форумының җитәкчелеге сайланачак. Кичкә таба делегатларның Арча районына сәфәре планлаштырыла.
Проектлар сессиясе башланып китте. Кичәге секцияләр эшчәнлеге бүген дәвам итә. Яшьләр проектлар әзерли. Бу чара кырмыска оясын хәтерләтә.
Данил Әхмәтшин: "Үз туган телеңне белү һәр кешенең дөньясында бик җитди әйбер"
14 яшендә татар телен өйрәнү өчен Себердән кайткан Данил Әхмәтшин татар интернеты мохитен булдыру өчен татар телен белү зарур дип әйтә. Форумда катнашучы егет татар телен белмәгәннәргә татарча өйрәнү өчен хәзер интернетта мөмкинлекләр күп, ди.