8 февральдә Мәскәүнең Кремль сараенда популяр җырчы Элвин Грейның (Радик Юльякшин) беренче концерты уза. Мартта ул Казанга "ТМТВ" премиясенә килер дип көтелә. Татарстандагы гастрольләре кайчан узачагы әлегә билгесез. Узган ел "Татар җыры" фестивален йомгаклауда Элвин Грей (Радик Юльякшин) "Елның иң популяр җырчысы" дип аталды. "Татнефть-Арена"да Радик 9 мең тамашачы җыйганнан соң "Татар җыры" аның Казандагы соңгы чыгышы булды. Азатлыкка Элвин Грей Тукай бүләген алырга теләвен белдерде һәм иҗат турында фикерләрен уртаклашты.