Әйдә!Онлайн представляет серию рассказов о детстве сильных и независимых татарских женщин. Первая история была посвящена эпизоду из детства Сююмбике, правительницы Казанского ханства в 16-м столетии. Сегодня читаем и слушаем о детстве Малики Гильметдиновой, известной благотворительницы и бизнес-леди в Казани. К рассказу прилагается аудио и словарик.

– Селкенмичә басып торыгыз! Селкенсәк, харап булабыз!

12 яшьлек Мәликә дус кызларына шулай боера. Елан күргәч нишләргә икәнен аларга мәктәптә өйрәтүен өйрәтәләр, ләкин каршыңа кобра кадәр кобра килеп чыкса – куркыта. Мәликәнең кыю тавышын ишетеп дуслары тынычлана, елан аларга тимичә генә юлын дәвам итә.

Шук, кыю кыз Урта Азиядә үсә. Энеләре һәм сеңелләре өчен ул һәрвакыт "апа" була. Әбиләре, әти-әниләре аңа "балам" дип дәшәләр.

Мәликә мәктәпне бик ярата. Аның иң яратып укыган дәресләре инглиз теле, тарих, география, әдәбият. Мәктәпне ул иң рәхәт чор булган икән дип искә ала. Укытучылардан ул хыялланырга да, максат куеп аңа ирешергә дә өйрәнә. Аны илһамландыручы остазы – әнисе була.

Мәликәнең әнисе – мөгаллимә. Олы йөрәкле укытучы ди ул аны.

– Әниемнең бер укучысы бик каушый иде. Үзе белә иде ул барысын да, ләкин җавап биргәндә каушый иде. Бер көнне имтиханда әнием аңа тиешенчә җавап бирә алмаса да, яхшы билге куеп чыгарган. Ул малай соңыннан билгеле кеше булды, үзенең дә балалары туды, ул имтихан өчен ул гел әнигә рәхмәтен белдереп торды, дип искә ала Мәликә.

Кечкенә Мәликә әнисе кебек булырга тырыша. Үскәч бөтен эшләренә дә ул шулай олы йөрәк белән тотына.

Мәликәнең бер әбисе – Миңсылу әби аны аш-су пешерергә, өйне карарга өйрәтә. Ә оештыру сәләтенә Мәликә Фатыйма әбисеннән өйрәнә. Фатыйма абыстай кечкенә Мәликәне үзе белән дини мәҗлесләргә, кунакка йөртә. Мәликә андагы гореф-гадәтләрне, мәҗлес тәртибен күреп үсә. Бу аңа алдагы тормышында хәйрия эшләрен оештырырга ярдәм итә.

– Эш көннәрендә без сәгатькә карап әти кайтканны көтә идек. Чөнки кичке ашны әти кайткач кына ашыйбыз. Әниебез: "Әтиегез бисмилла әйтеп, кашыкны тоткач кына ашарга ярый", – дип әйткәне хәтердә Мәликәнең.

Кечкенә Мәликә әни-әнисеннән йортсыз этләрне, мәчеләрне җыеп ашатырга өйрәнгән. Иң күп ишеткән сүзләре "һәркемне туганыгыз итеп күрегез" булган. Шәфкатьле һәм миһербанлы гаиләдән чыккан Мәликә шулай итеп үскәч тә татар халкына файда китерергә, үз эшендә иң алдынгы булырга өйрәнгән. Мәликә ханым 10 баланы тәрбиягә алып үстергән, хәзер ул аларны да үзе белгәннәргә өйрәтә.

Татар кызларына ул нык ышана.

Эта история из серии "рассказы о детстве сильных и независимых женщин" была посвящена эпизоду из детства Малики Гильмутдиновой, известной благотворительницы, которая сделала очень много для реабилитации и образования инвалидов не только в Татарстане. Она стала мамой 10 усыновленных детей.

Какими были в детстве знаменитые татарские женщины? Кто их научил быть сильными и независимыми, добрыми, заботливыми? В июне Әйдә!Онлайн продолжит серию рассказов о детстве сильных татарских женщин.

Присылайте отзывы в нашу группу в Вконтакте или по адресу: eydetat@gmail.com

Заходите на наш сайт, каждый день вы найдете что-то новое и интересное! Также подписывайтесь на наши соцсети: мы есть в Вконтакте, Telegram-е, Facebook-е и Instagram-е. ​

Скоро – больше! Встретимся на следующей неделе, сау булыгыз!