Сугыш көндәлеге. Беренче 85 көн

"Бердәм Русия" фиркасенең Петербур бүлекчәсе Telegram-да махсус чат-бот булдырган. Ул "фейк хәбәрләр турында сигналлар" кабул итәчәк, диелә бүлекчәнең матбугат хезмәтендә.

"Фейклар" турында хәбәрләр депутат сораулары буларак Роскомнадзорга җибәреләчәк диелә.

Русия хакимияте Украинага каршы алып барган сугыш турында үз позициясе белән туры килмәгән барлык хәбәрләрне "фейк" дип атый, илдә хәтта сугышны "сугыш" дип атау рөхсәт ителми. Сугыш башланганнан соң ашыгыч кабул ителгән "фейклар турында" канун нигезендә административ һәм җинаять эшләре ачыла.

Essity ширкәте шәхси гигиена кирәк-яракларын җитештерә. Русиядә аның Zewa, Libresse, Leukoplast, Tork брендлары булган.

Русиядән китүне ширкәт бизнес алып бару шартлары начараюы белән аңлата. Русия Украинада сугыш башлаганнан соң илдән 750дән артык ширкәт киткән.

Readovka аның Вконтакте аккаунтын кемдер ватып ачкан дип белдерде

Төнлә ул сәхифәдә Русия армиясе югалтулары турында яңа мәгълүмат барлыкка килгән иде. Постта Русия саклану министрлыгы ябык брифинг үткәргәне, анда Украинадагы сугышта 13 414 кеше һәлак булган, 7 мең кеше хәбәрсез югалган дип әйтелгәне язылган иде.

Readovka бу постны оператив бетерүе һәм ватып ачу чыганагы табылуын белдерде, ләкин бу чыганакны атамады.

Моңарчы Русия саклану министрлыгы югалтулар тапкыр соңгы тапкыр 25 март көнне хәбәр иткән иде. Ул вакытта 1351 хәрби һәлак булган, 3825 кеше яраланган диелгән иде.

Украина генштабы бүген китергән хисапта Русия сугыш дәвамында 21 200 кеше югалткан дип хәбәр итте.

Бу хакта корылма мөдире Николай Савицких хәбәр итте. Аның сүзләренчә, эшчеләр, инженерлар, техник хезмәткәрләр җитми. Хәзерге вакытта яңа кадрларны әзерләү програмнары кабул ителгән, ди ул.

Русия хакимияте Татарстанга елына кимендә 10 Ту-214 очкычын җитештерү максатын куйган. Татарстан җитәкчелеге Казан заводы чыгарган бу очкычлар Русиядә Boeing һәм Airbus очкычларын алыштыра алачак дип өметләнә.

Украинага һөҗүм башланганнан соң, 750дән күбрәк чит ил ширкәте Русиядә эшчәнлеген туктаткан. Моны Йель менеджмент мәктәбендә санаганнар.

Институт Русиядән киткән ширкәтләр исемлеген дә әзерләгән. Исемлектә илдән китү дәрәҗәсенә карап, ширкәтләр биш категориягә бүленгән.

Соңгы 20 елда беренче тапкыр Япония тышкы эшләр министрлыгы Курил утрауларын "канунсыз оккупацияләнгән" җирләр дип атады.

Мондый билгеләмә "дипломатиянең зәңгәр китабы"нда язылган, бу Япония 1957 елдан бирле ел саен бастырган дипломатие белешмә булып тора. 22 апрельдә тәкъдим ителгән китапта шулай ук Русиянең Украинага һөҗүме "халыкара тәртип нигезләрен бозган көч куллану" белән уза диелә.

Икенче дөнья сугышы тәмамланудан соң Курил утраулары Советлар берлегенә күчкән. Япония үзенең элекке җирләренә дәгъва кыла.

• Узган тәүлектә Харьков һәм Харьков өлкәсенә һавадан кимендә 50 һөҗүм ясалган, дип хәбәр итте өлкә идарәсе башлыгы Олег Синегубов.
• Дөнья банкы исәбенә күрә, Украина биналарына һәм инфраструктурасына Русия башлаган сугышы аркасында зыян 60 миллиард доллар чамасы тәшкил итә.
• Мариуполь хакимияте Мангуш авылындагы "кардәш кабер" турында хәбәр итте, анда "меңнәрчә" гади кеше күмелгән булырга мөмкин, диделәр алар. Иярчен фотоларында 300 метр озынлыгы булган траншея күренә, журналистлар аны зур кабер дип фаразлый.
• Австралия 147 Русия ватандашына карата яңа чикләүләр керткән. Санкцияләргә Русия тышкы эшләр министры да эләккән.
• Зеленский белдергәнчә, Русия Пасхада вакытлыча тынычлык тәкъдименнән баш тарткан. "Бу Русия җитәкчелегенең христиан ышануына нинди мөнәсәбәттә булуын яхшы күрсәтә", диде ул.
• Росавиация һава ширкәтләренә GPS-сыз очышларга әзерләнергә киңәш итте – "Известия".

Донбассны яклап "хәйрия" тамашасы җыйган Ваһапов фонды "Без бергә!" ди. Рифат Фәттахов җыйган җырчылар кем хөрмәтенә җырлый соң? Карап карыйк әле.