Сугыш көндәлеге. Беренче 85 көн

20 эшнең 19ы каралган, 18 эштә 15 меңнән 45 мең сумга кадәр штрафлар салынган, аларның гомуми күләме 505 мең сум булган. Бер эшне яңадан караячаклар.

Бу хакта республика мәхкәмәләренең берләшкән матбугат хезмәтенә сылтама белән РБК хәбәр итә.

Башкортстанда Русия гаскәрен дискредитацияләгән өчен 40 мең сумлык беренче штраф 9 мартта, Уфада яшәүче иргә бирелгән.

Ул Русия кораллы көчләрен ил мәнфәгатьләрен яклау максатында куллануга комачауларга чакырган диелә. Эш материалларына күрә, канун бозучы шәһәр шурасы бинасы каршындагы мәйданда плакат тотып торган. Мартта Башкортстанда бу маддә нигезендә 370 мең сумлык 12 штраф салганнар.

Украина җирләренә бәреп кергәннән соң, Русия хакимиятләре кануннарны кырыслатты. Русиядә сугышка каршы чараларда катнашучыларга каршы яңа – "урыс гаскәрләре турында ялган мәгълүмат тарату һәм аларны дискредитацияләү" маддәләре нигезендә административ һәм җинаять эшләре ачалар, шул исәптән социаль челтәрдә фикер белдерүчеләргә дә.

"Агора" хокук яклау оешмасы мәгълүматына күрә, Русиядә сугышка каршы сүзләр һәм чыгышларга бәйле кимендә 40 эш ачылган. Гаепләнүчеләргә 15 елга кадәр төрмә яный.

Сугыш башыннан бирле 15 меңнән артык кеше тоткарланган, дистәләгән җинаять эше ачылган. Илдә хәрби цензура бар, ул мәгълүмат чараларына сугышны бары тик дәүләт карашларына ярашлы гына яктыртырга рөхсәт итә

600ләп эшчесе булган завод соңгы 20 елда 50 меңнән артык Javelin ракеты эшләр чыгарган.

Байден сүзләренчә, шул исәптән Америка ярдәме белән урыс гаскәрләре Украинада күп очракта куелган максатларга ирешә алмыйча "җүләр булып кала". Хәбәрне тулысынча монда укып була.

• Узган төндә Украинаның берничә төбәгендә авыллар утка тотылды. Украина кораллы көчләре мәгълүматынча, сишәмбе кич "18ләп канатлы ракет җибәрелгән, алар кимендә алты тимер юл станциясенә эләккән.
• Львов шәһәренең яртысында электр тәэминәте өзелгән, поездлар тоткарлана. Сишәмбе төнгә каршы шәһәргә һөҗүмнәр булды. Нәтиҗәдә өч электр подстанциясенә зыян килгән.
• Владимир Зеленский Украинаны торгызуда Русия һәм Европа илләре катнашырга тиеш дип саный.
• Европа берлеге Русиядән нефть импортлауны ярты ел эчендә туктатырга телим дип яза медиа.
• Төнья Кореяның Япон диңгезенә таба баллистик ракета җибәрүе турында хәбәр ителә.

Марсель Бәйрәмов – Мишкә районы Иске Колчыбай авылыннан.

Арсен Раимов – 28 яшь, Мәләвез районыннан. 2012 елда хәрби хезмәткә алына, 2014 елда Костромадагы Хәрби академиягә укырга керә. Аны 4 майда Мәләвездә җирләячәкләр.

ФСБ алардан туганнарын Русиягә кире кайтырга күндерерүләрен сорый.

Бу хакта "Первый отдел" хокук яклау проекты хәбәр итә. Хокук яклаучылар мондый биш очрак турында белдерде.

Сергей Мосолов 1989 елның 21 февралендә Актаныш районы Мари Суыксу авылында дүртенче бала булып дөньяга килгән. Мәктәпне 2006 елда көмеш медальгә тәмамлап, Казан хәрби училищесына укырга керә. Аны Кызыл дипломга тәмамлаган. 2010-2011 елларда хәрби хезмәткә алына һәм лейтенант званиясендә укыту-танк ротасын җитәкли.

2020 елда хәрби хезмәтне, капитан званиясендә, контракт нигезендә дәвам итә, танк взводын җитәкли. Егетнең үлеме турында Актаныш районы башлыгы Энгель Фәттахов хәбәр итте.

Борис Джонсон Югары рада каршында видеоэлемтә аша чыгыш ясады. “Минем сезгә бер хәбәрем бар: Украина җиңәчәк, Украина ирекле булачак”, дип китерә аның сүзләрен Reuters.

Джонсон сүзләренчә, Британия Украинага 300 млн фунт күләмендә хәрби ярдәм бүләчәк.

Башкортстанның Тәтешле районында "Z" хәрефе формасында нарат агачлары утыртылган. Шулай итеп район Русиянең Украинага бәреп керүенә теләктәшлек күрсәтә.

Башкортстаннан Украинадагы сугышта үлүчеләр саны 60ка якын. Бу Идел буе бүлгесендә икенче урын. (Русия рәсмиләре раслаган үлемнәр).