Азнакай районының Әлкәй авылы чигендә 270 дүрткел метр җиргә нефть аккан. Моңа нефть үткәргечнең тишелүе сәбәпче булган, дип җиткерә Русия авыл хуҗалыгы күзәтүе хезмәтенең (Россельхознадзор) Татарстандагы идарәсе. Әлеге хәл 1 август - сишәмбе көн булган.
Идарә хезмәткәрләре авыл хуҗалыгы җиренең туфрагын тикшерүгә алган. Аны хайваннар сәламәтлеген саклау федераль үзәге лабораториясенә җибәргәннәр. Туфракның химик-токсиологик күрсәткечләрен ачыклаячаклар диелә.
- Быел мартта да Әлмәт районында "Татнефть" үткәргече тишелеп, нефть акты. Барлыгы 2,5 мең дүрткел метр мәйдан пычранган, нефть продуктлары Тихоновка авылындагы елгага эләккән иде.
- Былтыр апрель уртасында Чаллы янында Чулман елгасына нефть акты. Чаллы белән Менделеевски арасында булган ясалма утраудагы нефть скважинасы тишелде. Берничә көн акканнан соң, нефть яр буена кадәр килеп җитте.
🛑 Русиядә Азатлык сайты томаланды, нишләргә? Безнең кулланма.
🌐 Безнең Telegram каналына да кушылырга онытмагыз!
Форум