Tatarstannıñ iminiätçelär berlege respublikada qoşçılıq fabrikaları belän qoş kizüennän iminlät kileşülären tözemägän. Bu xaqta berlek wäkilläre Tatar-inform agentlığına xäbär itte. Respublikada kizüdän saqlanu çarası itep, qoşlarnı da qorırğa cıyınmıylar. Ä xalıq qoşlarnı üterep, kizüdän saqlanu çarasına niçek qarıy soñ, qazanlılar bu ısulnı xuplıymı?
Qoşlar tabiğät'neñ ber öleşe. Şuña kürä dä qarğalarnı üterü keşe sälämätlege öçen äybät bulsa da, minemçä ul döres bulmağan ğämäl. Qoşlarnı üterep kenä ul çir belän köräşep bulmıy bit ul. Şuña kürä iñ döres yul bu oçraqta, keşelärne aldan kisätep häm bilgelängän maxsus şifaxanälärdä darular birergä kiräk.
Minemçä, qoşlarnı üterü tabiğät'kä bik küp sıyan kiterä. Ul ekologik yaqtan qarağanda tabiğät'täge xalätlär bozıla.
Minemçä, nindi genä can iäse bulmasın anı üterü bik bik naçar adım. Qoş kizüen buldırmas öçen min qoşlarnı üterügä qarşı, başqa çara tabarğa kiräk.
Qoşlarnı üterü ul keşeleksezlek, bu naçar ğämäl. Nindider gripptan qurqıp qoşlarnı üterergä yaramıy, ä keşelärne vaksinatsiälärgä kiräk.
Qoş grippı belän köräşäbez dip, qoşlarnı beterergä yaramıy. Bu bezneñ ekologiägä bik naçar tä'sir itäçäk. Qarğalarnı üterergä kereşäbez ikän, şähärdä bik küp küselär ürçeyäçäk.
Gölnaz Şäyxetdin
