Bu atnada Balıq bistäse, qayberäwlär anı Kil'kagrad dip yörtälär, kürşe-tirä rayon gäcitläre baş möxärrirlären çäy tabını artına cıydı.
Kil'kagrad Rawil Fäyzullin, Robert Äxmätcan, rayonnıñ üzendä populyarlıq alğan, soñğı yıllarda 3 kitap çığarırğa ölgergän Tübän Tegermänlek awılınnan Räsimä Ğarifullina kebek şağir-şağirälär birgän. Räsimä xanım bik küp yıllar rayon gazetasında da eşlägän ikän:
- Ädäbi bülektä xäbärçe bulıp eşli başladım. İñ berençe möxärrirem Xaris Äşräfcanov buldı, berençe mäqälälärgä bäyäne ul birde.
Şulay uq, Zöfär Bilalov sımaq cırçılar häm başqa talant iälären üstergän yaq. Alar arasında ğadi awıldan turı Qazanğa kilep tanılu alğannarı bik siräkter. Çönki başta alar Balıq bistäseneñ üzendä atqazğanlıqqa qazanalar. Bu eştä alarğa çäy tabını artında 75 yıllıq yubileen ütkärgän “Ayıl ofıqları” gäcite yärdämgä kilä. Ul cirle xalıqta bik populyar gazeta. Awıllarda “Ayıl ofıqları”n quldan qulğa yörtep uqilar. Qayber awıllar, mäsälän Küki, Yamaş, Baltaç häm başqaları rayon gazetasına ğına yazılalar. Äle şul gäcittä üzläre turında yazmalar da kürä alalar. Çönki “Afıl ofıqları”nıñ baş möxärrire, şağir - Wazıyx Fatıyxov äytüençä, rayon gazetasınıñ 50 idän artıq ştattan tış xäbärçeläre bar. “Tatmedia” citäkçese urınbasarı Färit Şahiäxmätov älege gäcitneñ respublikada berençelärdän bulıp zamança texnologiälär qullana başlawın äytep, büläklären tapşırdı, annan Wäzıyx äfände belän jurnalistika fakul'tetın tämamlağan Däwlät şurası deputatı Röstäm Zakuanov häm başqa qunaqlar “Awıl ofıqları”na qotlawlar yawdırunı däwam ittelär.
Rayon gazetasın anıñ möxärrirenä qarap bäyälilär dip äytte yubileydağı qunaqlar, bu süzlär dörestän dä şulaydır. Yuğisä 26 yıl jurnalistika ölkäsendä eşläwçe, yazular berlege äğzası – Wazıyx Fatıyxov başqa rayon gazetaları belän dustanä-cılı mönäsäbät totarğa ölgermäs ide. Çallı şähäre, Piträç, Teläçe, Baltaç, Nurlat, Minzälä, Layış, Aqsubay, Alekseewsk, Älki, Saba, Çistay, Çirmeşän, Tuqay rayon gäcitläre möxärrirläre diseñme, o-o-o bik küp ide alar. Alar aldında Wazıyx äfände maqtanıbraq bolay dip tä quydı:
- Jurnalistika fakul'tetında 20 yaqın studentıbız uqı, bolar ömetle bezneñ kiläçägebez. Respublika matbuğatında qaluçılar da bar, läkin şuña da qaramastan rayon gazetasına äylänep qaytuçılar da yuq tügel. Şuña kürä bezneñ kiläçägebez ömetle, ışanıçlı dip sanıym!
“Saba tañnarı” rayon gäcite möxärrire, yazuçılar berlege äğzası Tälğät Näcmiewne bäyrämnärdän başqa Balıq bistäse belän başqa närsä dä bäyli ikän. Ul bu xaqta bolay dip belderde:
- Uzğan yılnıñ dekaber ayında gazetabıznıñ 75 yıllıq yubileen ütkärdek. Kürşe-tirä rayon möxärrirläre qatnaştı, şul isäptän Wazıyx Fatıyxov ta. Şul waqıtta ul mine qunaqqa çaqırıp kitkän ide, kürşe rayonnar belän dustanä mönäsäbättä torabız. Annan Wazıyx äfände belän tağın ber närsä bäyli, bez ikebez dä yazuçılar berlege äğzası.
Balıq bistäse rayon gazetasınıñ 53 yäşlek jurnalistı İdris Gazizov yubileydağı xörmät-maqtawlardan bik şat ide. Ul qäläm iäse buluı belän ätisenä räxmätle ide:
- Ätiem ğadi traktorçı bulğan. Şuña da qaramastan aqsaqallar söylilär ide, mäktäp uqıtuçıları uquçılarnıñ däftärlären tikşerergä ätigä alıp kilä torğan bulğannar.
Kil'kagrad gäciteneñ 75 yıllıq yubileena kilgän qunaqlarnıñ tamaqları tuq, gäcitçelärneñ qulları büläklärdän buşamadı. Alar uyınnar uynadı, biede, üzlärençä bäyräm itte.Sänifä Rangulova belän Wil Usmanov alarğa cırlar cırladı. Ä bu waqıtta awıl xalqı: “Rayon üzägendä nindi xällär bulıp yata ikän?”- dip “Ayıl ofıqları”nıñ çirattağı sanın kötte…
Röstäm İsxaqi
