Tatarlar säfär qılırğa, säyäxät itärgä yarata torğan xalıq. Qaya ğına barmıy ul da, qaysı cirlärdä genä oçratırğa mömkin tügel millättäşlärebezne. Qazannan dönyanıñ törle poçmaqlarına säfärgä çığıp kitüçelär belän bez sezne şaqtıy yış tanıştırıp torabız, x.t. Bügenge çirattağı yazmabız da şundıy ber millättäşebez turında. Tanış bulığız - yıraq ilgä säfärgä kitkän tatar jurnalistı Amil Nur turında. Xäyer, Azatlıqnı tıñlawçılar, tatar internetı belän qızıqsınuçılar, ana telebezdä mäğlümät çaraların uquçılar Amilne bik äybät belä. Anıñ yazmaları härdaim uquçılarnıñ iğtibarın cälep itä. Amil Nur üze dä qızıqlı, üzençälekle şäxes. Şuña da, ul säfärgä dä başqalar yış yöri torğan cirlärgä barmıy. Kemnärder Törkiägä yä Yevropağa yul totqanda, Amil Nur Qıtayğa çığıp kitä. Anıñ säfäreneñ maqsatları da bik qızıqlı. Şuşı säfär turında bez Amil äfände belän Azatlıqnıñ Qazan studiäsendä ul yulğa äzerlängän waqıtta söyläştek. Xäzer şuşı söyläşüdän özeklär tıñlap kitegez.
Minem Qıtayğa baruımnıñ berniçä maqsatı bar. Berençese, min inde 90nçı yıllardan birle törle fol’klor, etnik muzıka proyektları belän şöğellänäm. Menä şularnıñ däwamı Qıtayda bulırğa tieş. Anda mine ber amerikan prodyusserı çaqırdı. Qıtayğa säyäxätemneñ ikençe ber maqsatı -
Qıtay meditsinası belän yaqınnanraq tanışu. Bu tema da mine şaqtıydan qızıqsındıra, zamanında meditsina buyınça gäcit tä näşer itkän idem minQıtayda ul millättäşlärebez belän dä oçraşıp aralaşırğa niätli. Xäyer, Qıtay säfäre häm andağı oçraşu, macaralar turında ul bezgä säyäxättän qaytqaç üze söylär äle.
Gölnaz İlgizär
